රැග් එකට තවත් ජීවිතයක් බිලි වෙන්න යද්දී නූලෙන් බේරුණු හැටි

කුලියාපිටිය කාර්මික විද්‍යාලයේ පළමු වසරේ ඉගෙනුම ලබන සිසුවියක් වැවකට පැන සියදිවි හානිකර ගැනීමට උත්සාහ කිරීමේ සිද්ධියක් සම්බන්ධයෙන් එම විද්‍යාලයේ සිසුන් සිව්දෙනෙකු කුලියාපිටිය පොලිසිය විසින් අත්අඩංගුවට ගෙන ඇත.

ඊයේ (ජුනි 02) දහවල් කාලයේදී, මෙම සිසුවිය කාර්මික විද්‍යාලය ආසන්නයේ පිහිටි වැවකට පැන ඇති බව වාර්තා වේ. අසල සිටි පිරිසක් විසින් ඇයව බේරාගනු ලබා ඇති අතර, ඉන්පසු ඇයව වහාම කුලියාපිටිය රෝහලට ඇතුළත් කර ඇත. රෝහල් ප්‍රකාශකයකුට අනුව, ඇය මේ වන විට රෝහලේ ප්‍රතිකාර ලබමින් සිටින අතර, ඇගේ තත්ත්වය බරපතළ නොවන බව සඳහන් වේ.

පහේ ශිෂ්‍යත්වය අහෝසියි.. රජයේ ස්ථාවරය මෙන්න

පොලිස් විමර්ශනවලදී හෙළි වී ඇත්තේ, නවකවධය (ragging) හේතුවෙන් මෙම සිසුවිය මෙලෙස සියදිවි හානිකර ගැනීමට උත්සාහ දරා ඇති බවයි. මෙම සිද්ධියට සම්බන්ධ බවට සැකපිට කාර්මික විද්‍යාලයේ සිසුන් සිව්දෙනෙකු අත්අඩංගුවට ගෙන ඇති අතර, ඔවුන් විසින් සිසුවියට නවකවධය ලබාදීමේ චෝදනාව මත මෙම අත්අඩංගුවට ගැනීම සිදු කර ඇත.

කුලියාපිටිය පොලිසිය මේ සම්බන්ධයෙන් වැඩිදුර විමර්ශන ආරම්භ කර ඇති අතර, සිද්ධියට හේතු වූ තත්ත්වයන් සහ ඊට සම්බන්ධ වෙනත් පුද්ගලයින් පිළිබඳවද පරීක්ෂණ පවත්වයි. මෙම සිද්ධිය, අධ්‍යාපන ආයතනවල පවතින නවකවධයේ බරපතළ බව සහ එය සිසුන්ගේ මානසික හා භෞතික යහපැවැත්මට එල්ල කරන තර්ජනය පිළිබඳව නැවත වරක් රටේ අවධානය යොමු කර ඇත.

පොසොන් දන්සැල්වල ජලය පිළිබඳ විශේෂ අවධානයක්

අදාළ සිද්ධියට සම්බන්ධ විත්තිකරුවන් අධිකරණය හමුවට ඉදිරිපත් කිරීමට නියමිත අතර, පොලිසිය විසින් මෙම සිද්ධියට අදාළ සියලු තොරතුරු ගවේෂණය කරමින් සිටී.

යළි රට වහනවද? නැද්ද? – ආණ්ඩුවේ තීරණාත්මක තීරණය අද