පැන ගිය කන්දකාඩු පුනරුත්තාපන කඳවුරේ රැඳවියන් ගැන අලුත්ම ආරංචිය මෙන්න.

කන්දකාඩු පුනරුත්තාපන මධ්‍යස්ථානයෙන් පැනගිය රැඳවියන් 15 දෙනෙකු හැර අනෙකු සියලු දෙනා භාර වී ඇති බවයි පුනරුත්ථාපන දෙපාර්තමේන්තුව පවසන්නේ.

පෙරේදා (12) පස්වරුවේ කන්දකාඩු පුනරුත්තාපන මධ්‍යස්ථානයේ රැඳවියන් පිරිසක් අතර ඇති වූ නොසන්සුන්කාරී තත්ත්වයේ දී රැඳවියන් පිරිසක් තුවාල ලැබූ අතර තවත් පිරිසක් පළා යනු ලැබුවා.

කෙසේ වෙතත් මේ වන විට පුනරුත්තාපන මධ්‍යස්ථානයේ කටයුතු සාමාන්‍ය තත්ත්වයට පත් ව ඇති බවයි පුනරුත්ථාපන කොමසාරිස් ජනරාල් මේජර් ජෙනරාල් දර්ශන හෙට්ටිආරච්චි සඳහන් කළේ.

එමෙන්ම තුවාල ලැබු පුද්ගලයින්ගෙන් 05 දෙනෙකු තවදුරටත් රෝහල්ගත ව ප්‍රතිකාර ලබන බවද ඔහු වැඩිදුරටත් කියා සිටියා. 

                                                                      Sponsored By Sarrita Jewellery