කවුද හිතුවේ ඉන්දියාවෙන් මෙච්චර දෙයක් - 8වෙනි යානයත් ඇවිත්

ඉන්දීය ආපදා ආධාර රැගත් 08වන යානයත් අද දින (04) පස්වරුවේ කටුනායක ගුවන් තොටුපොළ වෙත පැමිණ ඇත.

එම ගුවන් යානය තුළ මෙට්‍රික් ටොන් 53 බරැති අඩි 110ක් දිගැති මංතීරු දෙකකින් යුතු යකඩ බේලි පාලමක් රැගෙන විත් තිබූ අතර, එය ඉන්දීය රජය මඟින් මෙරටට පරිත්‍යාග කිරීමට නියමිත පාලම් 10න් 02වැනි පාලම බව වාර්තා වේ.

එසේම මෙම පාලම ඇතුළු ඉන්දීය ගුවන් යානය මඟින් රැගෙන විත් තිබූ භාණ්ඩ තොගය ශ්‍රී ලංකා යුධ හමුදාවේ ඉංජිනේරු බළකායේ නිලධාරීන් පිරිසක් වෙත භාර දීමට පියවර ගෙන තිබුණා.

ඉන්දියාවෙන් ලංකාවට රෝහලක්ම එවලා මෙන්න මිනිස්සු

එමෙන්ම මෙම පාලම ඉන්දීය හමුදා ඉංජිනේරුවරුන් සහ ශ්‍රී ලංකා යුධ හමුදා ඉංජිනේරු බළකායේ නිලධාරීන් විසින් එක්ව නුවරඑළිය ප්‍රදේශයේ ස්‍ථාපිත කිරීමට නියමිතයි. තවද බෝට්ටු, සීනි සහ විදුලි ජනක යන්ත්‍ර තොගයක් ද ඉන්දීය ආධාර අතරට ඇතුළත් බව සඳහන්.

එම අවස්ථාවට ශ්‍රී ලංකාවේ ඉන්දීය මහකොමසාරිස් කාර්යාලයේ නිලධාරීන් පිරිසක් සහ ශ්‍රී ලංකා යුධ හමුදා ඉංජිනේරු බළකායේ සහ ශ්‍රී ලංකා ගුවන් හමුදා නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටියා.

මේ වෙලාවේ චීනෙන් ලංකාවට ලැබුණු වටිනම දේ

අධිවේගී මාර්ග භාවිතා කරන සියලුම දෙනාට විශේෂ දැනුම්දීමක්