ලංගම බස් රථ රියදුරෙකුට බරපතළ වැඩ සහිත සිරදඬුවම් - මෙන්න හේතුව

ධාවනයට නුසුදුසු ලංගම බස් රථයක් පටු මාර්ගයක අපරික්ෂාකාරී ලෙස ධාවනය කර පුද්ගලයෙකු මරණයට පත්කළ චෝදනාවකට වරදකරු වූ කැබිතිගොල්ලෑව ඩිපෝවේ බස් රථ රියදුරෙකුට කැබිතිගොල්ලෑව මහෙස්ත්‍රාත් අධිකරණය විසින් බරපතළ වැඩ සහිත වසරක සිරදඬුවමක් නියම කර තිබේ.

එසේම රුපියල් 15,000ක දඩ මුදලක් සහ මියගිය පුද්ගලයාගේ පාර්ශ්වය වෙත මුදලින් රුපියල් ලක්ෂ 05ක වන්දියක් ගෙවන ලෙස ද අධිකරණය නියෝග කර ඇති බව අද (19) අප වාර්තාකරු පැවසීය.

බඩි නෙට් මුට්ටිය දාපු සිද්ධියේ ජාතික අධ්‍යාපන ආයතනයේ නියෝජ්‍ය අධ්‍යක්ෂ ජනරාල්ව අනිවාර්ය නිවාඩු යැවේ

මීට අමතරව විත්තිකරුගේ රියදුරු බලපත්‍රය වසරක කාලයක් අත්හිටුවීමට ද අධිකරණය නියෝග කර තිබේ.

2017 වසරේ ජූලි මස 8 වැනිදා සිදුවූ මෙම අනතුර සම්බන්ධයෙන් සාවද්‍ය නොවන මනුෂ්‍ය ඝාතනය ඇතුළු චෝදනා 05ක් යටතේ නඩු පවරා තිබුණි.

අධිකරණය විසින් නඩුව විභාග කර අදාළ සියලුම චෝදනා සඳහා විත්තිකරු වරදකරු බවට තීන්දු කරමින් මෙම දඬුවම් නියම කර ඇත. 

බිළිදාගේ පෙකණි වැල කියලා ඇගිල්ල කපලා - මොන අපරාධයක්ද

"කිසි සේත්ම අපි තනියෙන් හිරේ යන්නේ නෑ.." - ග්‍රාම නිළධාරීන්ගේ දැඩි ප්‍රකාශය