ෆ්‍රිජ් එක ළඟ වැටිලා ඉඳලා..අනේ එක වසර පුංචි පුතාට දිවි අහිමි කළ අවාසනාවන්ත සිදුවීම..

අත්තනගල්ල අලවල ප්‍රදේශයේ සිය නිවස තුළ සෙල්ලම් කරමින් සිටි වයස අවුරුදු 06ක පමණ කුඩා දරුවකු විදුලි සැර වැදී මියගොස් තිබේ.

අත්තනගල්ල අලවල ප්‍රදේශයේ පදිංචිව සිටි තේජාන් දිනුවර නමැති 01 ශ්‍රේණියේ ඉගෙනුම ලබමින් සිටි දරුවෙක් මෙලෙස මියගොස් තිබෙනවා.

 මියගිය දරුවා විදුලි සෙල්ලම් උපකරණ ගලවමින් සහ සවිකරමින් සෙල්ලම් කිරීමට නිරන්තරයෙන් ඇල්මක් දැක්වූ දරුවෙකු බව වාර්තා වෙයි.ඊයේ (25) දහවල් කාලයේදී මෙම අනතුර සිදුවී ඇත.

දරුවාට විදුලිසැර වදින අවස්ථාවේ මව සහ පියා නිවසේ වෙනත් කාර්යයක නිරතවී සිට ඇති අතර දරුවා ශීතකරණය අසල වැටී සිටින අයුරු දැක වතුපිටිවල මූලික රෝහලට ඇතුළත් කර තිබුණි.