ඊශ්‍රායල ප්‍රහාරයකින් ටෙහෙරානයේ මාර්ගයක් දිගේ ගිනි ජාලාවක් ඇවිලේ

ඊශ්‍රායල ප්‍රහාර හේතුවෙන් ටෙහෙරානය නගරයේ ඉන්ධන ගබඩා විනාශ වීමෙන් නගරයේ අපජල පද්ධතියට කාන්දු වූ තෙල් මුසු වී, වීදි අසල විශාල ගින්නක් පැතිර ගොස් ඇති බව වාර්තා වේ.

ටෙහෙරානයේ සංස්කෘතික හා කලා තොරතුරු පළ කරන ‘Living In Tehran’ X ගිණුම මගින් පළ කළ වීඩියෝ දර්ශනවල, නගර මාර්ගයක් දිගේ ගින්න දැඩි ලෙස පැතිර යන අයුරු පැහැදිලිව දැක්වේ.

මැදපෙරදිග ඇවිලෙද්දී ලාංකිකයන් සිව් දෙනෙකුටත් අනතුරක් - සියල්ලගේ ආරක්ෂාව වෙනුවෙන් රජය පෙරට

තෙල් කාන්දුව නිසා, මාර්ග දෙපසම ගින්න ඇවිලී සිටින බව වීඩියෝවලින් දර්ශනය වේ.

ඉරාන තෙල් අමාත්‍යාංශය තහවුරු කර ඇති පරිදි, මෙම ප්‍රහාරය හේතුවෙන් තෙල් ගබඩා ස්ථාන තුනක් විනාශ වී ඇත.

එමෙන්ම, ටෙහෙරානයට බටහිරින් පිහිටි අල්බෝර්ස් (Alborz) පළාතේ කරාජ (Karaj) නගරයද මෙම ප්‍රහාරයෙන් බලපැවැත්වුණු ප්‍රදේශ අතරට ඇතුළත් බව අල්ජසිරා පුවත් සඳහන් කරයි.

ටෙහෙරානයේ ඉන්ධන ගබඩාව ඉලක්ක කරගෙන දැවැන්ත ප්‍රහාරයක්