ආගිල් වතුයායේ නිවාස පෙළක ගින්නක්

දිඹුල පතන පොලිස් වසමට අයත් ආගිල් වතුයායේ ලයින් නිවාස පේළියක අද (09) උදෑසන හටගත් හදිසි ගින්නකින් නිවාස දෙකකට දැඩි අලාභහානි සිදුව ඇත.

අද පෙරවරු 8.00 ට පමණ මෙම ගින්න හටගත් විට, එම ලයින් නිවාස පේළිය තුනක නිවාස තිබියදී, එක් නිවසේ පුද්ගලයින් තිදෙනෙකු සහ අනෙක් නිවසේ පස්දෙනෙකු සිටියහ.

ගින්න පැතිර යාමත් සමඟ ඔවුන් සියලුදෙනා ආරක්ෂිතව නිවාසවලින් පිටතට පිටවී ගියහ.

දිවයිනේ සියලුම රජයේ පාසල්වල සිසුන්ට විශේෂ දැනුම්දීමක් - ජනවාරි 19 සිට

මේ හේතුවෙන් කිසිදු පුද්ගල තුවාල වීමක් හෝ ජීවිත හානියක් වාර්තා වී නැතැයි දිඹුල පතන පොලිසිය සඳහන් කරයි.

ගින්නෙන් එක් නිවසට සහ එහි තිබූ සියලුම දේපළවල දැඩි අලාභ හානි සිදුව ඇති අතර, යාබද නිවසට අර්ධ හානි වාර්තා වී ඇත. වතු කම්කරුවන් සහ ප්‍රදේශවාසීන් එක්ව දැඩි පරිශ්‍රමයකින් ගින්න පාලනය කිරීමට කටයුතු කර ඇත.

ගින්න ඇති වීමට නිශ්චිත හේතුව තවම තහවුරු වී නොමැති වුවද, පොලිසිය විදුලි කාන්දුවක් හේතුවෙන් ගින්න හටගෙන ඇති  බව සැක කරයි. දිඹුල පතන පොලිසිය මෙම සිද්ධිය සම්බන්ධයෙන් වැඩිදුර පරීක්ෂණ සිදු කරමින් පවතී.

ගුරු භවතුන් සහ සියලු පාසල් සිසුන්ට විශේෂ දැනුම්දීමක්