Mask එකක් දැන් රු.50ක්! වෙළඳසැල් හිස්, ජනතාව බියෙන්..

ජාතික පාරිභෝගික පෙරමුණේ සභාපති අසේල සම්පත් මහතා, මුව ආවරණ සහ සැනිටයිසර් සඳහා වහාම පාලන මිලක් පැනවීමට රජය කටයුතු කළ යුතු බව ඉල්ලා සිටියි.

ඔහු මෙම ඉල්ලීම සිදුකළේ, කොළඹදී පැවති මාධ්‍ය හමුවකදීය.

තද වැසි පිළිබදව අවවාදාත්මක නිවේදනයක්

අද වන විට, මුව ආවරණයක මිල රුපියල් 50 දක්වා ඉහළ ගොස් ඇති බව පෙන්වා දුන් අසේල සම්පත් මහතා, මෙම තත්ත්වය ජනතාවට දැරිය නොහැකි බවත්, එබැවින් මුව ආවරණවල මිල රුපියල් 10කට පහළ කිරීමට රජය කඩිනමින් පියවර ගත යුතු බවත් අවධාරණය කළේය.

එමෙන්ම, සැනිටයිසර් ඇතුළු අත්‍යවශ්‍ය සනීපාරක්ෂක භාණ්ඩවල මිලද ඉහළ යාම හේතුවෙන්, ජනතාව මහත් අපහසුතාවකට පත්ව ඇති බව ඔහු සඳහන් කළේය. මෙම භාණ්ඩ බොහෝ ජනතාවට අත්‍යවශ්‍ය වන බැවින්, ඒවායේ මිල ගණන් පාලනය කිරීම රජයේ වගකීමක් බවත්, එසේ නොකළහොත් ජනතාවට සෞඛ්‍ය ආරක්ෂණය සඳහා අවශ්‍ය භාණ්ඩ මිලදී ගැනීමට නොහැකි වනු ඇති බවත් ඔහු පෙන්වා දුන්නේය.

පොලිස් OICව රෝහලට යවූ පහර – බේරුවල අළුයම උණුසුම් වෙයි

මුව ආවරණ සහ සැනිටයිසර්වල මිල ඉහළ යාම බහුතර ජනතාවට, විශේෂයෙන්ම දුප්පත් හා මධ්‍යම ආදායම්ලාභී පවුල්වලට දැඩි බලපෑමක් එල්ල කර ඇති බවත්, එබැවින් රජය විසින් මිල පාලනයක් හඳුන්වාදීම තුළින් ජනතාවට සහනයක් ලබාදිය යුතු බවත් අසේල සම්පත් මහතා වැඩිදුරටත් අවධාරණය කළේය.

ජාතික පාරිභෝගික පෙරමුණ මේ සම්බන්ධයෙන් රජය සමඟ සාකච්ඡා කිරීමට සූදානම් බවත්, ජනතාවගේ සෞඛ්‍ය ආරක්ෂාව සහ ආර්ථික යහපැවැත්ම තහවුරු කිරීමට කඩිනමින් මැදිහත්වන ලෙස රජයෙන් ඉල්ලා සිටින බවත් ඔහු මාධ්‍ය හමුවේදී පැවසීය.