ලක්ෂ 20ට ලෝබ වෙලා අපරාධකරු නිදහස් කර අල්ලස් ගත් සුරා බදු නිලධාරීන් මාට්ටු

අත්අඩංගුවට ගත් හොරයින් මත්කුඩු සමග පුද්ගලයකුට නඩුවක් නොදමා ඒ වෙනුවට රුපියල් ලක්ෂ විස්සක අල්ලස් මුදලක් ඉල්ලා කන් කසන්තුරේ වංකානේ සුරා බදු කාර්යාලය අසල නිවසක ඔහුව රඳවා ගෙන සිටි සුරාබදු නිලධාරීන් තිදෙනෙකු අත්අඩංගුවට ගැනීමට උතුරු පළාත් අපරාධ කොට්ඨාසය කටයුතු කර ඇත.

එම සැකකරුවන් අතර සුරා බදු නියාමකවරයකු, සැරයන්වරයකු සහ සුරා බදු පරීක්ෂකවරයකු සිටින බව පොලිසිය සඳහන් කරනවා. අත්අඩංගුවට ගන්නා විට සුරාබදු නියාමකවරයා සහ සුරාබදු සැරයන්වරයා නිල ඇඳුමෙන් සිට ඇතැයි පොලිසිය පවසනවා.

ආනන්ද විජයපාලගේ ව්‍යාජ ඡායාරූ පළකෙරූ පුද්ගලයන්ට වැඩ වරදී

කන්කසන්තරේ ප්‍රධාන වීදිය, මාදගල් ලිපිනයේ පදිංචි කාන්තාවකගේ සහෝදරයා පොලිස් මත්ද්‍රව්‍ය නාශක කාර්යාංශයේ නිලධාරීන් විසින් හොරයින් මත්කුඩු සමඟ අත්අඩංගුවට ගෙන වංකානේ සුරා බදු කාර්යාලය අසල නිවසක රඳවාගෙන සිටින බවත් තම සහෝදරයා ට නඩුවක් නොදමා මුදා හැරීමට තමාගෙන් එම නිලධාරින් රුපියල් ලක්ෂ 20 ක අල්ලස් මුදලක් ඉල්ලන බව එම කාන්තාවක උතුරු පළාත් අපරාධ කොට්ඨාසය වෙත කරන ලද පැමිණිල්ලක් අනුව සැකකරුවන් තිදෙනා අත්අඩංගුවට ගෙන තිබෙනවා.

එම කාන්තාව විසින් කරන ලද පැමිණිල්ලකට අනුව එම කාන්තාව එම නිවසට යවා රුපියල් ලක්ෂ20 ක් ලබා දී ඇයගේ සහෝදරයාව ඔවුන්ගේ ග්‍රහණයෙන් මුදාගෙන එම ස්ථානයෙන් පිටතට පැමිණීමේදී උතුරු පළාත් අපරාධ කොට්ඨාසයේ නිලධාරීන් විසින් එම ස්ථානයේ වටලා එහි සිටි නිලධාරීන් තිදෙනා අත්අඩංගුවට ගෙන තිබෙනවා.

අද රන් මිල මෙන්න

එම නිවස තුළ සිට ඇත්තේ පොලිස් මත්ද්‍රව්‍ය කාර්යාංශයේ නිලධාරීන් නොව සුරාබදු නිලධාරීන් බව සිදුකළ විමර්ශනවලදී අනාවරණය වී ඇත අත්අඩංගුවට ගත් සැකකරුවන් තිදෙනා අරියම්පති, පුන් ගාන්කුලම් හා අරියම්පති 3 පදිංචි වයස අවුරුදු 32, 36 හා 48 පසුවන්නන්. සැකකරුවන් වැඩිදුර විමර්ශන සඳහා අල්ලස් හෝ දූෂණ චෝදනා විමර්ශන කොමිෂන් සභාව වෙත භාරදීමට කටයුතු කර තිබෙනවා.

උතුරු පළාත් අපරාධ කොට්ඨාසයේ ස්ථානාධිපති එස් සංජීව මහතා ඇතුළු කණ්ඩායමක් වැඩිදුර විමර්ශන කටයුතු සිදු කරනවා.

සුළු මොහොතකට පෙර වෙන්නප්පුවේ වෙඩි තැබීමක් - අයෙක් මරුට