ලංකාවේ ලොකුම පැතුම වූ පැතුම්ව කළින්ම එළියට දාන්න සූදානමක් - සුපිරි 8 තරගෙට කළින්ම එංගලන්තේ බයෙන්

2026 ICC පිරිමි T20 ලෝක කුසලානයේ සුපිරි 8 තරගයට පෙර එංගලන්ත නායක හැරී බෲක් ශ්‍රී ලංකා ආරම්භක පිතිකරු පැතුම් නිස්සංක ඔවුන්ට ප්‍රධාන තර්ජනයක් වශයෙන් හඳුනාගෙන ඇති බව සඳහන්.

ඒ අනුව ඔහුගේ කණ්ඩායම ඔහුව කලින් ඉවත් කිරීමට බලාපොරොත්තු වන බව ප්‍රකාශ කරයි.

බෲක් මේ බව සෙනසුරාදා පැවති පූර්ව-තරග මාධ්‍ය හමුවේදී සඳහන් කර ඇත. “නිස්සංක මේ මොහොතේ ටිකක් උණුසුම් තත්ත්වයක පසුවන නිසා, අපට ඔහුව කලින් එළියට ගැනීමට හැකි නම් එය වඩාත් සුදුසුයි,”

ලංකාවටම ඇඬෙන්න ගහලා ගිය සිම්බාබ්වේ නායක සිකන්දර් රාසාගෙන් ලංකාවට සටහනක්

එමෙන්ම නිස්සංක තරඟාවලියේ කැපී පෙනෙන දක්ෂතා දක්වන්නන් අතර සිටින අතර, කණ්ඩායම් අදියරේදී ශ්‍රී ලංකාවේ ශක්තිමත් පිතිකරණ සංදර්ශනයේ ප්‍රධාන කාර්යභාරයක් ඉටු කර‍යි.

කෙසේ වෙතත් අභියෝගාත්මක ආරම්භක වටයක සැරිසැරීමෙන් අනතුරුව එංගලන්තය සුපිරි 8 වටයට පිවිසි අතර තම කණ්ඩායම සමහර අවස්ථාවලදී පිත්තෙන් “තරමක් පරිස්සම්” වූ බව බෲක් පිළිගයි.

එහෙත් ඊළඟ අදියර නැවුම් ආරම්භයක් ලෙස ඔහු සලකයි. “අපි දැන් එය නව තරඟයක් ලෙස සලකමු. ලකුණු ලබා ගැනීමක් නොමැතිව, එය සම්පූර්ණයෙන්ම නැවුම් ආරම්භයක්,සමහර අවස්ථාවන්හිදී අපට තව ටිකක් නිර්භීත විය හැකි අතර අප පිටුපස සිටින පුද්ගලයින් කෙරෙහි වැඩි විශ්වාසයක් තැබිය හැකිය.” යනුවෙන් ඔහු පැවසුවා.

සුපිරි 8 වටය අඳින් ඇරඹේ - උණුසුම් සටන සූදානම්

එමෙන්ම එංගලන්තය මෑතකදී ශ්‍රී ලංකාවට එරෙහිව එම ස්ථානයේදීම 3-0 ක තරගාවලියක් ජයග්‍රහණය කළ බව සඳහන් කළ බෲක්,

“ඔවුන් ඉතා හොඳ ජයග්‍රහණ කිහිපයකින් පසුව බොහෝ විශ්වාසයක් ඇති ශක්තිමත් කණ්ඩායමක් බව පැහැදිලිය,හැබැයි අපි අපගේ උපරිමෙන් ක්‍රිකට් ක්‍රීඩා කරන්නේ නම්, අපට ඔවුන් පරාජය කළ නොහැකි වීමට කිසිදු හේතුවක් නැත.” යනුවෙන් ද සඳහන් කළා.

මේ අතර අධික වර්ෂාවක් ඇති බවට අනාවැකි තිබියදීත්, සම්පූර්ණ විස්සයි20 තරඟයකට තම කණ්ඩායම සූදානම් වන බව එංගලන්ත නායකයා තහවුරු කළ අතර, ඕවර අඩු කළහොත් අනුවර්තනය වීමේ හැකියාව ඉතා වැදගත් වනු ඇති බව ද සඳහන් කළා.

මේ අතර එංගලන්තය සහ ශ්‍රී ලංකාව ඉරිදා හමුවන්නේ ඉහළ අවදානමක් ඇති තරඟයක් වන බවට අපේක්ෂා කරයි.

වාර්තා පොත් අලුත් කළ මුලු රටක පැතුම පැතුම්