ට්‍රම්ප්ගේ මුහුණ සහිත රෝස පැහැති මත්පෙති මාරාන්තිකයි - ශරීර උෂ්ණත්වය ඉහළ ගොස් මරණය පවා සිදුවිය හැකි බවට ට්‍රිම්බෝස් ආයතනයෙන් අවවාද

නෙදර්ලන්ත බලධාරීන් විසින් ඇමරිකානු ජනාධිපති ඩොනල්ඩ් ට්‍රම්ප්ගේ හිසට සමාන හැඩයකින් නිපදවා ඇති මාරාන්තික එක්ස්ටසි පෙති සම්බන්ධයෙන් “රතු අනතුරු ඇඟවීමක්” නිකුත් කර තිබේ.

ට්‍රිම්බෝස් ආයතනය සඳහන් කළේ අගෝස්තු මාසයේදී පරීක්ෂාව සඳහා ඉදිරිපත් කළ එම පෙති කිහිපයක PMMA නමැති භයානක ද්‍රව්‍යය ඉතා ඉහළ මට්ටමක පැවති බවයි.

PMMA යනු MDMA වලට සමාන බලපෑම් ඇති කළ හැකි ද්‍රව්‍යයක් වන අතර, ශරීර උෂ්ණත්වය භයානක ලෙස ඉහළ යාම ඇතුළු බරපතළ සෞඛ්‍ය බලපෑම් සහ මරණයට පවා හේතු විය හැකිය.

ට්‍රම්ප් ඓතිහාසික තෙල් ගිවිසුමක් නිවේදනය කිරීමත් සමඟ ගෑස් මිල ගැනත් රටට සුබ ආරංචියක්

ඒ අනුව, “කිසිදු තත්ත්වයක් යටතේ මෙම පෙති භාවිත නොකරන්න” යනුවෙන් ට්‍රිම්බෝස් ආයතනය දැඩි අනතුරු ඇඟවීමක් නිකුත් කර තිබේ.

අදාළ පෙතිවල එක් පැත්තක ට්‍රම්ප්ගේ මුහුණට සමාන රූපයක් ද, අනෙක් පැත්තේ “ට්‍රම්ප්” සහ “NL” යන සලකුණු ද මුද්‍රණය කර ඇති බව සඳහන් වේ

කෙසේ වෙතත්, මෙම පෙති භාවිතයට සම්බන්ධ මරණයක් හෝ බරපතළ රෝගාබාධයක් මෙතෙක් වාර්තා වී නොමැති බව බලධාරීන් වැඩිදුරටත් සඳහන් කර ඇත.