බෙංගාල බොක්කේ අඩු පීඩන ප්‍රදේශය නිසා දිවයිනට තවදුරටත් වැසි-පැය 24ක් පුරා වලංගු වන පරිදි රතු එළියක්

කාලගුණ විද්‍යා දෙපාර්තමේන්තුව විසින් බස්නාහිර, සබරගමුව සහ වයඹ පළාත්වලට මෙන්ම මහනුවර, නුවරඑළිය, ගාල්ල සහ මාතර දිස්ත්‍රික්ක සඳහා තද වැසි පිළිබඳ ඇම්බර් නිවේදනයක් නිකුත් කර තිබේ. සැප්තැම්බර් 21 වන දින පෙරවරු 7.00ට නිකුත් කළ මෙම නිවේදනය සැප්තැම්බර් 22 වන දින පෙරවරු 7.00 දක්වා වලංගු වේ.

ස්වාභාවික උපද්‍රව පිළිබඳ පූර්ව අනතුරු ඇඟවීමේ මධ්‍යස්ථානය සඳහන් කරන්නේ බලපෑමට ලක්වූ ප්‍රදේශවල විටින් විට වැසි හෝ ගිගුරුම් සහිත වැසි ඇති විය හැකි අතර, ඇතැම් ස්ථානවල මිලිමීටර් 100කට ආසන්න තද වර්ෂාපතනයක් අපේක්ෂා කළ හැකි බවයි.

අධික වර්ෂාපතනය තවදුරටත් පැවතිය හැකි බැවින්, බලපෑමට ලක්වූ ප්‍රදේශවල ජනතාව අවධානයෙන් පසුවන ලෙස කාලගුණ විද්‍යා දෙපාර්තමේන්තුව දැනුම් දෙයි.

සැප්තැම්බර් 20 වන දින පෙරවරු 8.30 සිට සැප්තැම්බර් 21 වන දින පෙරවරු 7.00 දක්වා වාර්තා වූ වර්ෂාපතන දත්ත අනුව, කෑගල්ල දිස්ත්‍රික්කයේ මාලිබොඩ ප්‍රදේශයෙන් මිලිමීටර් 104ක වර්ෂාපතනයක් වාර්තා වී තිබේ. එය නිවේදනයේ සඳහන් ප්‍රදේශ අතරින් වාර්තා වූ ඉහළම වර්ෂාපතන අගයයි.

හෙට සියලු පාසල් වසයිද? අයහපත් කාලගුණ තත්ත්වයක් පවතින සියලුම දිස්ත්‍රික්කවල පාසල් සම්බන්ධයෙන් විශේෂ දැනුම්දීමක්

එම කාලය තුළ කෑගල්ල කළුපහන ප්‍රදේශයෙන් මිලිමීටර් 95.5ක්, නුවරඑළිය මස්කෙළියෙන් මිලිමීටර් 85.5ක්, කුරුණෑගල පොල්පිතිගමෙන් මිලිමීටර් 85ක් සහ රත්නපුර දම්මුල්ලෙන් මිලිමීටර් 82.5ක් වාර්තා වී ඇත.

මේ අතර, අන්දමන් දූපත් ආසන්නයේ බෙංගාල බොක්ක හරහා පවතින අඩු පීඩන ප්‍රදේශයක් දෙසට සුළං ප්‍රවාහය හේතුවෙන් නිරිතදිග ශ්‍රී ලංකාවේ වැසි සහිත කාලගුණ තත්ත්වය තවදුරටත් පවතිනු ඇතැයි දෙපාර්තමේන්තුවේ සාමාන්‍ය කාලගුණ අනාවැකිය පෙන්වා දෙයි. කෙසේ වෙතත්, මෙම කාලගුණ පද්ධතිය ශ්‍රී ලංකාවට සෘජු බලපෑමක් ඇති කරනු ඇතැයි දැනට අපේක්ෂා නොකෙරේ.

බෙංගාල බොක්කේ තත්ත්වය තවත් දරුණු වේ - අද මුළු ලංකාවටම දරුණු අනතුරු ඇගවීමක්