IPL 2027ට පෙර ක්‍රිකට් පිටියේ ලොකු පෙරළියක් - ක්‍රීඩක මාරුවීම් අතර හර්දික් ගැනත් අලුත් ආරංචියක්

ඉන්දීය ප්‍රිමියර් ලීග් (IPL) 2027 තරගාවලියට පෙර ක්‍රීඩක රඳවා ගැනීමේ අවසන් දිනය ළංවීමත් සමඟ කණ්ඩායම් අතර ක්‍රීඩක හුවමාරු පිළිබඳ දැඩි කතාබහක් නිර්මාණය වී තිබේ.

2026 නොවැම්බර් 17 වැනිදාට නියමිත ක්‍රීඩක රඳවා ගැනීමේ අවසන් දිනයට පෙර කණ්ඩායම් සිය සංචිත ශක්තිමත් කර ගැනීම සඳහා සැලසුම් සකස් කරමින් සිටින අතර, ක්‍රීඩක හුවමාරු කිහිපයක් මේ වන විටත් නිල වශයෙන් අවසන් කර තිබේ.

එමෙන්ම ඉන්දීය ක්‍රිකට් පිටියේ වැඩි අවධානයක් දිනාගෙන ඇත්තේ මුම්බායි ඉන්දියන්ස් කණ්ඩායමේ ප්‍රබල තුන් ඉරියව් ක්‍රීඩක හර්දික් පාණ්ඩ්‍යා වෙනත් කණ්ඩායමකට එක්වීමේ ඉඩකඩ පිළිබඳවය.

CSK සහ SRH අතර ක්‍රීඩකයන් සිව්දෙනෙකුගේ හුවමාරුවක්

චෙන්නායි සුපර් කිංග්ස් (CSK) සහ සන්රයිසස් හයිද්‍රාබාද් (SRH) කණ්ඩායම් අතර ක්‍රීඩකයන් සිව්දෙනෙකු ඇතුළත් දැවැන්ත හුවමාරුවක් නිල වශයෙන් සිදුකර තිබේ.

ඒ අනුව චෙන්නායි කණ්ඩායමේ වේගපන්දු යවන්නන් වන ඛලීල් අහමඩ් සහ නේතන් එලිස් හයිද්‍රාබාද් කණ්ඩායමට එක්ව තිබේ.

ඊට ප්‍රතිචාර වශයෙන් ප්‍රහාරාත්මක පිතිකරු ලියම් ලිවින්ස්ටන් සහ ඔස්ට්‍රේලියානු තුන් ඉරියව් ක්‍රීඩක ජැක් එඩ්වර්ඩ්ස් චෙන්නායි කණ්ඩායමට එක්වීමට නියමිතය.

මෙම හුවමාරුවෙන් චෙන්නායි කණ්ඩායමේ මැදපෙළ පිතිකරණය ශක්තිමත් වන අතර, හයිද්‍රාබාද් කණ්ඩායමට වේගපන්දු යැවීමේ අංශය ශක්තිමත් කර ගැනීමට අවස්ථාව ලැබී තිබේ.

විරාත් කෝලි ග්ලෙන් ෆිලිප්ස්ට ජෝන් සීනාගේ සුප්‍රසිද්ධ සංඥාව පෙන්වයි - 'You Can't See Me' සමාජ මාධ්‍ය කළඹයි!

ටී. නටරාජන් යළි හයිද්‍රාබාද් පිලට

වේගපන්දු යවන ක්‍රීඩක ටී. නටරාජන් යළිත් සන්රයිසස් හයිද්‍රාබාද් කණ්ඩායමට එක්ව තිබීමද විශේෂත්වයකි. දිල්ලි කැපිටල්ස් කණ්ඩායම සතුව සිටි නටරාජන් සංශෝධිත කොන්ත්‍රාත් වටිනාකමක් යටතේ හයිද්‍රාබාද් කණ්ඩායමට හුවමාරු කර තිබේ.

ඒ වෙනුවෙන් 26 හැවිරිදි පා දඟපන්දු යවන ක්‍රීඩක සීෂාන් අන්සාරි දිල්ලි කණ්ඩායමට ලබාදී ඇත. විශේෂයෙන් අවසන් පන්දුවාරවලදී යෝකර් පන්දු යැවීමේ හැකියාව ඇති නටරාජන්ගේ පැමිණීම හයිද්‍රාබාද් කණ්ඩායමට වැදගත් වනු ඇත.

රිෂාබ් පාන්ට් සහ කුල්දීප් යාදව් කණ්ඩායම් මාරු කරති

දිල්ලි කැපිටල්ස් සහ ලක්නව් සුපර් ජයන්ට්ස් අතරද ප්‍රධාන ක්‍රීඩක හුවමාරුවක් සිදුව තිබේ.

ඒ අනුව ලක්නව් කණ්ඩායමේ හිටපු නායක රිෂාබ් පාන්ට් යළිත් දිල්ලි කැපිටල්ස් කණ්ඩායමට එක්ව ඇති අතර, ඒ සඳහා ඔහුගේ කොන්ත්‍රාත් වටිනාකම ඉන්දීය රුපියල් කෝටි 15ක් ලෙස සංශෝධනය කර තිබේ.

ඒ වෙනුවට ඉන්දීය සුපිරි පා දඟපන්දු යවන ක්‍රීඩක කුල්දීප් යාදව් ලක්නව් කණ්ඩායමට එක්ව ඇත. කුල්දීප් ඔහුගේ පෙර කොන්ත්‍රාත් වටිනාකම යටතේම මෙම හුවමාරුවට එක්වීම විශේෂත්වයකි.

ක්‍රිකට් ලොවම මවිත කළ සුපිරි තරුව ග්ලෙන් මැක්ස්වෙල් ජාත්‍යන්තර පිටියට තීරණය කරයි

හර්දික් පාණ්ඩ්‍යා සහ අර්ෂ්දීප් සිං අතර හුවමාරුවක්?

මේ අතර, IPL 2027ට පෙර වැඩිම අවධානයක් දිනාගෙන ඇති ක්‍රීඩක හුවමාරු කතාබහ වන්නේ හර්දික් පාණ්ඩ්‍යා සම්බන්ධයෙනි.

මුම්බායි ඉන්දියන්ස් කණ්ඩායමෙන් හර්දික් පාණ්ඩ්‍යා ලබා ගැනීම සඳහා කණ්ඩායම් කිහිපයක්ම උනන්දුව පළකර ඇති බවට වාර්තා පළව තිබේ.

එම තරගයේ ඉදිරියෙන් සිටින්නේ ශෙර්යාස් අයියර් නායකත්වය දරන පන්ජාබ් කිංග්ස් කණ්ඩායම බවද වාර්තා වේ.

මෙම හුවමාරුව සිදුවුවහොත් පන්ජාබ් කිංග්ස් කණ්ඩායමේ අර්ෂ්දීප් සිං මුම්බායි ඉන්දියන්ස් කණ්ඩායමට එක්වීමේ ඉඩකඩක් පවතින බවටද තොරතුරු වාර්තා වී ඇත.

කෙසේ වෙතත්, හර්දික් පාණ්ඩ්‍යාගේ හුවමාරුව හෝ අර්ෂ්දීප් සිංගේ කණ්ඩායම් මාරුව සම්බන්ධයෙන් මේ දක්වා අදාළ කණ්ඩායම් හෝ IPL බලධාරීන් නිල තහවුරු කිරීමක් සිදුකර නොමැත.

ඒ අනුව නොවැම්බර් 17 වැනිදාට පෙර තවත් ප්‍රබල ක්‍රීඩක හුවමාරු කිහිපයක් සිදුවනු ඇතිද යන්න පිළිබඳව ක්‍රිකට් ලෝලීන්ගේ අවධානය යොමුව තිබේ.

ඔස්ට්‍රේලියාව පරදා ඇෆ්ගනිස්ථානය ඉතිහාසය අලුතින් ලියයි - හොංකොං සීක්සස් කිරුළ මුල්වරට දිනාගනී