PayPal භාවිතා කරන්නට විශේෂ නිවේදනයක්

ශ්‍රී ලංකාවේ PayPal සේවාව හඳුන්වා දීම පිළිබඳව තවමත් නිල වශයෙන් කිසිදු නිවේදනයක් නිකුත් වී නොමැති බව ඩිජිටල් ආර්ථික අමාත්‍යාංශයේ ලේකම් වරුණ ශ්‍රී ධනපාල සඳහන් කර සිටිනවා.

කෙසේ වෙතත්, විශේෂයෙන් මෙරට පෞද්ගලික බැංකු කිහිපයක් PayPal මව් සමාගම සමඟ එක්ව මේ සේවාව ක්‍රියාත්මක කිරීමට අවශ්‍ය කටයුතු සූදානම් කරමින් සිටින බවද ඔහු පවසනවා. ඊයේ (25) පැවති මාධ්‍ය හමුවේදී ලේකම්වරයා මෙම තොරතුරු ප්‍රකාශ කළ අතර,

මෙහිදී ඔහු වැඩිදුරටත් පැවසුවේ මෙරට පරිශීලකයින්ට PayPal සරලව භාවිතා කළ හැකි පරිසරයක් සකස් කිරීමට කටයුතු කරන බවයි. 

විදුලි අංශයේ ගැටුම තවත් තද වෙයි - සංකේත වැඩවර්ජනය ක්‍රියාත්මකයි

එහිදී අදහස් දැක්වූ ඇමතිවරයා,

"ශ්‍රී ලංකා මහ බැංකුවේ බැංකු අධීක්ෂණ සහ ගෙවීම් සම්බන්ධයෙන් කටයුතු කරන නිලධාරීන්ගෙන් විමසුවා, නිල වශයෙන් තාමත් නිවේදනයක් නිකුත් කරලා නැහැ. යම් යම් ප්‍රගතියක් තියනවා පෞද්ගලික බැ‍ංකු කිහිපයක් PayPal සමාගම මව් සමාගමත් සමග ඒකාබද්ධ වෙලා මෙතෙක් සීමා වෙලා තිබ්බ අර "Inward Remittance" ලංකාව වෙත ප්‍රේෂණ ලබා ගැනීමට තිබ්බ බාධක අඩු කරලා යන්න සූදානම තියනවා. ඒක මම හිතන්නේ අවසාන අදියරේ තියන බව තමයි ශ්‍රී ලංකා මහ බැංකුවෙනුත් දැනුම් දීලා තියෙන්නේ. මෙතනදි අපිට විශේෂ වාසියක් වෙන්නේ අපිට සාමන්‍ය credit හෝ debit කාඩ්වලින් කරන ගෙවීම්වලට අමතරව අපේ Online ක්‍රමවේද හරහා විදේශයන් එක්ක ගනුදෙනු කරන සුළු හා විශේෂයෙන් මධ්‍ය පරිමාණයේ ව්‍යවසායකයින්ට එහෙම නැත්නම් inteet based service providersලාට මේකෙන් හැකියාව ලැබෙනවා.

තමන්ගේ මොනවාද තියන ආදායම් ලබා ගැනීමේ ක්‍රමවේද පිළිබඳව නිශ්චිත ක්‍රමවේදයකට කරගන්න. වෙනදා අපි දැක්කා මේ ලංකාවේ ලිපිනයක් භාවිත කිරීමට අවස්ථාවක් නොලැබීම නිසා බොහෝ එවැනි ව්‍යාපාර තමන්ගේ ව්‍යාජ ලිපිනයක් හෝ වෙනත් මිතුරෙකුගේ ලිපිනයක් භාවිත කරලා විදේශ රටක ගිණුමක් යටතේ තමයි ඒ පහසුකම ලබා ගන්නේ. එහි දී ලංකාවට ලැබෙන්න තියන විදේශ විනිමය අහිමි වීමක් සිද්ධ වෙනවා.

අස්වැසුම දීමනාව ඇතුළු තවත් දීමනාවක් බැංකුවට - වැටෙන දිනය මෙන්න

මේ අලුත් පහසුකම ලැබිලා ඒක විධිමත් වුණොත් ශ්‍රී ලංකා මහ බැංකුවේ නියාමන ක්‍රමවේද යටතේ එක අතකින් ඒ කණ්ඩායම් දෙකටම පහසුවක් වෙනවා පාරිභෝගිකයන්ට වගේම PayPal Account එකක් තියන සාමාන්‍ය පාරිභෝගිකයන්ට වගේම මේ මාර්ගයෙන් තමන්ගේ ගනුදෙනු පියවා ගැනීම කඩිනම් කිරීමට බලාපොරොත්තු වෙන ව්‍යවසායකයින්ටත් මේ අවස්ථාව ලැබෙනවා. ඒ වගේම තමයි අපි යම්කිසි අවස්ථාවක ඔවුන්ට ඒ කියන්නේ විනිවිදභාවයක් ලැබෙනවා මේ හරහා ලංකාවට අයථා ක්‍රමවලින් ඉවත් වෙලා, උන්ඩියල් වගේ ක්‍රම තියෙනවා ඒවගෙන් ඉවත්වෙලා අපි කියන විධිමත් ක්‍රමයකට සහ රජය පිළිගත් ක්‍රමයකට මේ අනුගත කිරීමක් සහ ඔවුන්ගෙන් ලැබිය යුතු යම්කිසි බදු මුදලක් තිබේ නම් ඒවත් ගණනය කිරීමේ රජයටත් යම් කිසි වාසියක් අත්පත් වෙනවා"