දෙඅත් වෙන් වෙන්නම කැපූ ගමක් බිය කල සිද්ධිය - හත් දෙනෙකු අල්ලයි - අවුරුදු 18ක අයත් ඒ අතර

දෙමටගොඩ ලක්හිරු සෙවණ මහල් නිවාසය ආසන්නයේ දී තියුණු ආයුධයකින් පහර දී පුද්ගලයෙකුගේ දෙඅත් වෙන් වන ලෙස බරපතල තුවාල සිදු කිරීමේ සිද්ධියට සම්බන්ධ 7 දෙනෙකු අත්අඩංගුවට ගෙන තිබෙනවා.

පොලිස් විශේෂ කාර්ය බලකායේ බුද්ධි කොට්ඨාසයේ නිලධාරින් ඊයේ (21) මෙම සැකකරුවන් අත්අඩංගුවට ගනු ලැබුවේ දෙමටගොඩ - කාලිපුල්ලවත්ත ප්‍රදේශයේදීයි. අත්අඩංගුවට ගන්නා අවස්ථාවේ සැකකරුවන් සතු ව තිබී තියුණු ආයුධ 4 ක් සහ යතුරුපැදියක් සිය භාරයට ගත් බවයි පොලිස් විශේෂ කාර්ය බලකාය පවසන්නේ.

සැකකරුවන් අවුරුදු 18 ත් 31 ත් අතර වයස්වල පසුවන වැල්ලම්පිටිය - දෙමටගොඩ සහ වැලිමඩ ප්‍රදේශවල පදිංචිකරුවන්. ඔවුන්ගෙන් එක් සැකකරුවෙකු කොටහේන ප්‍රදේශයේ මනුෂ්‍ය ඝාතනයකට සහ දෙමටගොඩ ප්‍රදේශයේ කොල්ලකෑම් සහ පහරදීමේ සිද්ධීන් වලට සම්බන්ධ බවයි පොලිස් විශේෂ කාර්ය බලකාය සඳහන් කළේ.