දිල්ලියේ මහල් 6ක ගොඩනැගිල්ලක් කඩා වැටෙයි - සුන්බුන් අතර පිරිසක් සිරවී ඇතැයි සැකයක්

දිල්ලියේ මහල් 6ක ගොඩනැගිල්ලක් කඩා වැටෙයි – පිරිසක් සුන්බුන් අතර සිරවී ඇතැයි සැක ඉන්දියාවේ නවදිල්ලි නුවර සත්‍යා නිකේතන් ප්‍රදේශයේ මහල් හයකින් සමන්විත ගොඩනැගිල්ලක් අද (06) පස්වරුවේ කඩා වැටීමෙන් පසු පුද්ගලයන් කිහිපදෙනෙකු සුන්බුන් අතර සිරවී ඇතැයි සැක පළ වී තිබේ.

ගොඩනැගිල්ල කඩා වැටී ඇත්තේ පස්වරු 1.30ට පමණ වන අතර, එය පුද්ගලයන් 75 දෙනෙකු සඳහා පහසුකම් සහිත ගෙවන නේවාසිකාගාරයක් ලෙස භාවිත කර ඇති බව බලධාරීන් සඳහන් කර ඇත. සිද්ධිය සිදුවන අවස්ථාවේ ගොඩනැගිල්ල තුළ සිසුන් 50කට ආසන්න පිරිසක් සිටි බවට ඇසින් දුටු සාක්ෂිකරුවෙකු ප්‍රකාශ කර තිබේ.

අද ඉරිදා දිනයක් බැවින් බොහෝ සිසුන් නේවාසිකාගාර තුළ සිටි බවද ඔහු සඳහන් කර ඇත. ගොඩනැගිල්ලේ සුන්බුන් අතරින් මේ වනවිට පුද්ගලයන් කිහිපදෙනෙකු මුදාගෙන ඇති අතර, තවත් පිරිසක් සිරවී සිටීද යන්න තහවුරු කර ගැනීම සඳහා මෙහෙයුම් අඛණ්ඩව ක්‍රියාත්මකයි.

‘මානසික නක්සල්වාදීන්’ ගැන මෝදිගෙන් සැර ප්‍රකාශයක් - තරුණයන් හමුවේ දැඩි අනතුරු ඇඟවීමක්

කෙසේ වෙතත්, පොලිසිය විසින් මෙතෙක් තහවුරු කර ඇත්තේ පුද්ගලයන් දෙදෙනෙකු මුදාගත් බව පමණි. ගිනි නිවන රථ 12කට වැඩි සංඛ්‍යාවක් එම ස්ථානයට යොමු කර ඇති අතර, කැණීම් යන්ත්‍ර සහ අනෙකුත් බර යන්ත්‍රෝපකරණ යොදා ගනිමින් සුන්බුන් ඉවත් කිරීමේ කටයුතු සිදුකරමින් පවතී.

සුන්බුන් අතරින් උපකාර ඉල්ලා කෑගැසීම් ඇසුණු බව සිද්ධිය ඇසින් දුටු පුද්ගලයෙකු පවසා ඇති අතර, ඇතැම් ප්‍රදේශවාසීන් ද ගලවා ගැනීමේ කණ්ඩායම් පැමිණීමට පෙර සිය දෑතින්ම සුන්බුන් ඉවත් කිරීමට උත්සාහ කර තිබේ.

සිද්ධිය සම්බන්ධයෙන් අදහස් දක්වමින් දිල්ලි ප්‍රධාන අමාත්‍ය රේඛා ගුප්තා සඳහන් කර ඇත්තේ ගලවා ගැනීමේ මෙහෙයුම් කඩිනමින් සිදුකරන බවයි. ආරක්ෂිත පියවරක් ලෙස කඩා වැටුණු ගොඩනැගිල්ලට යාබද ගොඩනැගිල්ලද හිස් කර ඇති අතර, සියලු අදාළ ආයතන එක්ව මෙහෙයුම් සිදුකරන බව ඇය වැඩිදුරටත් සඳහන් කර තිබේ.

මේ අතර, එම ස්ථානයේ සිටින ප්‍රාදේශීය BJP මන්ත්‍රී අනිල් ශර්මා පවසා ඇත්තේ ගොඩනැගිල්ලේ සුන්බුන් අතර සිටින ඇතැමුන් දුරකථන ඇමතුම් ලබාදෙමින් සිටින බවට තොරතුරු ලැබී ඇති බවයි. ගලවා ගැනීමේ මෙහෙයුම් තවදුරටත් ක්‍රියාත්මක අතර, සිද්ධිය සම්බන්ධයෙන් තොරතුරු යාවත්කාලීන වෙමින් පවතී.

Google Translate හි දැවැන්ත වෙනසක්- Gemini බලයෙන් ක්‍රියාත්මක වන Live Translate පහසුකම මෙන්න