ඥානසාර හිමිගේ චීවරය ගැලවීමේ බන්ධනාගාර තීරණයට එරෙහි නඩුවට අභියාචනාධිකරණයෙන් අලුත්ම නියෝගයක්

අධිකරණයට අපහාස කිරීමේ චෝදනාවලට සිර දඬුවම් නියම වීමෙන් පසු පූජ්‍ය ගලගොඩඅත්තේ ඥානසාර හිමියන්ගේ චීවරය ඉවත් කිරීමට බන්ධනාගාර බලධාරීන් ගෙන ඇති තීරණය බලරහිත කරන ලෙස ඉල්ලා ගොනුකර තිබෙන පෙත්සම් යළි නොවැම්බර් 18 වැනිදා කැඳවීමට අභියාචනාධිකරණය අද (22) නියෝග කර තිබේ .

අදාළ පෙත්සම් අද අභියාචනාධිකරණ විනිසුරුවරුන් වන අමල් රණරාජා, මහේන් ගොපල්ලව සහ ප්‍රියන්ත ප්‍රනාන්දු යන මහත්වරුන්ගෙන් සමන්විත විනිසුරු මඩුල්ල හමුවේ කැඳවනු ලැබීය.

මෙම අවස්ථාවේදී ඉදිරිපත් වූ කරුණු සලකා බැලීමෙන් අනතුරුව අධිකරණය මෙම නඩුකරය යළි නොවැම්බර් 18 වැනිදා කැඳවීමට නියම කර තිබේ පූජ්‍ය තීනියාවල පාලිත හිමියන් ඇතුළු භික්ෂූන් වහන්සේලා පිරිසක් විසින් මෙම පෙත්සම් ගොනු කරනු ලැබ ඇත  

ඥානසාර හිමි නිදහස් කරන්නැයි ඉල්ලා කෙරෙන සත්‍යග්‍රහය අද 7 වන දිනටත්