පොලීසියෙන් විශේෂ නිවේදනයක් - හෙට සහ අනිද්දා දෙදින සඳහා වලංගුයි

බොරලැස්ගමුව පොලිස් වසමේ බෙල්ලන්විල රජමහා විහාරස්ථානයේ ඇසල මහා පෙරහර හේතුවෙන් පහත සඳහන් දිනවල පෙරහර ගමන් ගන්නා මාර්ගයන්හි රථවාහන ගමනාගමනය සීමා කිරීමට කටයුතු කර ඇත.

එබැවින් හෙට (13) දින පාවඩ පෙරහර රාත්‍රී 07.00 ට ආරම්භ වී රාත්‍රී 10.00 ට අවසන් වීමට නියමිත අතර එම කාලය තුළ 119 මහරගම දෙහිවල බස් මාර්ගය, බොරලැස්ගමුව නගරයෙන් හා බෙල්ලන්තර මංසන්ධියෙන් රථවාහන ගමනාගමනය සීමා කර ඇති බව පොලිස් මාධ්‍ය කොට්ඨාසය සඳහන් කරයි.

ඒ අනුව විකල්ප මාර්ග,

ලබන මස 19 වැනිදා සිට අනිවාර්ය නීතියක් - නීතිය පිළිනොපඳින සියලු දෙනාට දඩ

මහරගම සිට දෙහිවල දෙසට හා පිළියන්දල දෙස සිට දෙහිවල දෙසට ගමන් ගන්නා රථ වාහන පැපිළියාන මංසන්ධියට ගමන් කර වමට හැරී ස්පාර් වටරවුම හරහා බෙල්ලන්තර දෙසට පිවිස නැදිමාල හරහා දෙහිවල දෙසට ගමන් කල හැකියි.

එමෙන්ම බොරලැස්ගමුව හා ගාලු පාර සම්බන්ධ කරන වේරහැර හන්දියෙන් ගංගාරාම මාර්ගය ඔස්සේ ගොළුමඩම හන්දිය දක්වා වූ විකල්ප මාර්ගය භාවිතා කර ගාලු පාරට පිවිසිය හැකියි. 2026.08.14 දින රන්සීවලී පෙරහර රාත්‍රී 08.00 ට ආරම්භ වී පසුදින අළුයම 02.00 ට අවසන් වීමට නියමිතයි.

පෙරහර 119 මහරගම දෙහිවල බස් මාර්ගයට පිවිස බෙල්ලන්තර මංසන්ධිය දෙසට ගමන් කර සෝමරත්න මාවතට හැරෙන මංසන්ධියෙන් දකුණට හැරී සෝමරත්න මාවත ඔස්සේ විහාර මාවතට පිවිස විහාර මාවත ඔස්සේ නැවත බෙල්ලන්විල විහාරස්ථානයට පැමිණීමට නියමිතයි.

එසේම පෙරහර පැවැත්වෙන කාලසීමාව තුළදී බොරලැස්ගමුව මංසන්ධියේ සිට බෙල්ලන්තර මංසන්ධිය දක්වා 119 බස් මාර්ගය රථා වාහන ගමනාගමනය සීමා කරන බව සඳහන්.

උදෑසන 5.30ට නිකුත් කළ දිවයිනටම වලංගු නිවේදනයක් - 2න් පස්සේ රටේ ස්ථාන රැසක වෙන්න යන දේ

විකල්ප මාර්ග,

දෙහිවල දෙස සිට මහරගම දෙසට ගමන් ගන්නා සියළුම රථවාහන බෙල්ලන්තර මංසන්ධියෙන් වමට හැරී 117 මාර්ගය ඔස්සේ පැපිළියාන මංසන්දියට පිවිස දකුණට හැරී බොරලැස්ගමුව මංසන්ධියට පිවිසිය හැකියි.

මහරගම දෙස සිට දෙහිවල දෙසට ගමන් ගන්නා බරවාහන

ඩීසල්, පෙට්‍රල් සහ ගෝලීය ගෑස්වල දැඩි හිඟයක් - තෙල් මිල අහස උසට යන බවට අනතුරු ඇඟවීමක්

01. බොරලැස්ගමුව මංසන්ධියෙන් දකුණට හැරී පැපිළියාන මංසන්ධියට ගමන් කර වමට හැරී 117 මාර්ගය ඔස්සේ බෙල්ලන්තර මංසන්ධයට පිවිසිය හැකියි.

02. බොරලැස්ගමුව මංසන්ධියෙන් වමට හැරී පිළියන්දල මංසන්ධියට ගමන් කර දකුණට හැරී කටුබැද්ද මාර්ගය ඔස්සේ ගාලු පාරට පිවිසිය හැකියි.

මහරගම දෙස සිට දෙහිවල දෙසට ගමන් ගන්නා සැහැල්ලු වාහන මාලනී බුලත්සිංහල පාරට හැරෙන හන්දිය දක්වා ගමන් කර වමට හැරී පිට වේල්ල පාරට පිවිස කහවිට මාවත ඔස්සේ 117 මාර්ගයට ගමන් කළ හැකියි.

2026.08.15 දින රන්දෝලි මහා පෙරහර රාත්‍රී 08.00 ආරම්භ වී පසුදින අළුයම 04.00 ට අවසන් වීමට නියමිතව ඇති අතර එම කාලය තුල බොරලැස්ගමුව මංසන්ධිය, බෙල්ලන්තර මංසන්ධිය, නැදිමාල මංසන්ධිය, 117 රත්මලාන නුගේගොඩ මාර්ගයේ අත්තිඩිය පොලිස් අභ්‍යාස විද්‍යාලය මංසන්ධියේ සිට පැපිළියාන මංසන්ධිය දක්වා රථවාහන ගමනාගමනය සීමා කර ඇත.

සුළු මොහොතකට පෙර අද දිවයිනටම වලංගු වන පරිදී නිවේදනයක් - මේ අයට 2න් පසු ගිගුරුම් සහිත වැසි

විකල්ප මාර්ග,

මහරගම හා පිළියන්දල දෙස සිට දෙහිවල දෙසට ගමන් ගන්නා රථවාහන කොහුවල මංසන්ධියට පිවිස වමට හැරී කොහුවල කළුබෝවිල මාර්ගය ඔස්සේ ගාලු පාරට පිවිස දෙහිවල දෙසට ගමන් කළ හැකියි.

ගල්කිස්ස, රත්මලාන දෙස සිට මහරගම, බොරලැස්ගමුව දෙසට ගමන් ගන්නා රථවාහන අත්තිඩිය බේකරි මංසන්ධියෙන් වමට හැරී ගාලු පාරට පිවිස දෙහිවල විලියම් ග්‍රයින්ඩින් මිල්ස් ආයතනය අසලින් කොහුවල දෙසට ගමන් කර දකුණට හැරී බොරලැස්ගමුව, මහරගම දෙසට ගමන් කළ හැකියි.

දෙහිවල සිට පැපිළියාන දෙසට ගමන් ගන්නා රථවාහන නැදිමාල මංසන්ධියෙන් ඇන්ඩෘසන් මාර්ගයට පිවිස වමට හැරී කොහුවල හන්දියට ගමන් කර කොළඹ ,බොරලැස්ගමුව, නුගේගොඩ දෙසට ගමන් කළ හැකියි.

එමෙන්ම ඉහත කාල සීමාව තුළ හොරණ, පිළියන්දල, කැස්බෑව මෙන්ම මහරගම දෙස සිට පැමිණෙන බරවාහන ගාලු පාර දක්වා ගමන් කිරීමට අවශ්‍ය වන්නේ නම් කොහුවල මංසන්ධියට ගමන් කර වමට හැරී කොහුවල, කළුබෝවිල මාර්ගය ඔස්සේ ගාලු පාරට පිවිසිය හැකි බව පොලිස් මාධ්‍ය කොට්ඨාසය දන්වයි.

කොළඹ දෙස සිට පැපිළියාන මංසන්ධියට හෝ බොරලැස්ගමුව මංසන්ධිය ඔස්සේ ගාලු පාරට පිවිසීමට බලාපොරොත්තු වන සියළු බරවාහන පිළියන්දල මංසන්ධියට ගමන් කර දකුණට හැරී කටුබැද්ද මාර්ගයට පිවිස කටුබැද්ද මංසන්ධියෙන් ගාලු පාරට පිවිස රත්මලාන , ගල්කිස්ස ,මොරටුව , පානදුර දෙසට ගමන් කළ හැකියි.

මේ අයගේ විශ්‍රාම වැටුප් ක්‍රමය සංශෝධනය කෙරේ - අමාත්‍ය මණ්ඩලය යෝජනාව අනුමත කරයි