ආසියානු කොටස් වෙළෙඳපොළ කඩා වැටේ

යුද්ධය සිව්වන සතියට එළඹෙද්දී එක්සත් ජනපදය හා ඉරානය අතර සතුරුකම් තීව්‍ර වීමේ තර්ජන මත ප්‍රධාන ආසියානු කොටස් වෙළඳපොළවල් සඳුදා තියුණු ලෙස පහත වැටුණි.

ජපානයේ නිකේයි 225 සූචකය මුල් වෙළඳාමේදී 4.8%කින් පහත ගිය අතර, දකුණු කොරියාවේ කොස්පි සූචකය 5.5%කට වඩා අඩු විය.

මෙම පහත වැටීම එක්සත් ජනපද ජනාධිපති ඩොනල්ඩ් ට්‍රම්ප්ගේ ඉරානයේ විදුලි බලාගාර "obliterate" කිරීමේ තර්ජනයට හා ඉරානයේ ප්‍රතිචාරයන්ට (හෝමුස් සමුද්‍ර සන්ධිය වසා තැබීම, ගල්ෆ් කලාපයේ බලශක්ති හා ජල යටිතල පහසුකම් ඉලක්ක කිරීම) සෘජුවම සම්බන්ධයි.

නරක ආරංචියක් - මිනිත්තු කිහිපයක් ඇතුළත ලෝක වෙළඳපොළේ තෙල් මිල යළිත් ඇමරිකානු ඩොලර් 100 පනී

තෙල් මිල උච්චාවචනයට ලක් වූ අතර, ජාත්‍යන්තර බ්‍රෙන්ට් බොරතෙල් බැරලයක මිල ඩොලර් 111.25 දක්වා 0.8%කින් පමණ අඩු විය. එක්සත් ජනපදයේ වෙළඳාම් කරන ලද WTI තෙල් මිල ඩොලර් 98.18 පමණව බොහෝ දුරට ස්ථාවර විය.

මෙම තත්ත්වය මැදපෙරදිග යුද්ධය  සති 4කට ආසන්න කාලයක් පවතින බවත්, හෝමුස් සමුද්‍ර සන්ධියේ තෙල් සැපයුම් බාධාවන් හේතුවෙන් ගෝලීය බලශක්ති අර්බුදයක් ඇති විය හැකි බවත් පෙන්වා දෙයි.

මෙම වෙළඳපොළ පහත වැටීම ආසියානු රටවල්වල තෙල් ආනයනය මත රඳා පවතින ආර්ථිකයන්ට (විශේෂයෙන් ජපානය 90%, දකුණු කොරියාව 70%කට ආසන්න මැදපෙරදිග තෙල් මත රඳා පැවතීම) බරපතල බලපෑමක් ඇති කර ඇති බව විශ්ලේෂකයෝ පවසති.

කොළඹ මහ නගර සභාවෙන් නිවේදනයක් - අද උදේ 6 සිට මේ වාහනවලින් නැවතත් ගාස්තු

තවත් මිල ඉහළ දැමීමක්? සියලුම බේකරි නිෂ්පාදනවල මිල සම්බන්ධයෙන් අද ගන්න යන තීරණය