තවත් ප්‍රධාන නගර කිහිපයක් වසා දැමේ..

තවත් නගර කිහිපයක වෙළඳසැල් වසා දැමීමට වෙළඳ සංගම් තීරණය කර තිබේ. වෘත්තීය සමිති පැවසුවේ පවතින කොවිඩ් -19 වසංගතය හේතුවෙන් මෙම තීරණය ගත් බවයි.

ඒ අනුව අද (18) සිට බදුල්ල, ත්‍රිකුණාමලය, රත්නපුර සහ බලංගොඩ නගරයේ සියලුම වෙළඳසැල් සතියක් සඳහා වසා තැබේ.

මීට අමතරව, වැලිමඩ සහ අනුරාධපුරයේ සාප්පු හෙට (19) සිට සතියක් වසා තැබේ.

අනුරාධපුර එක්සත් වෙළඳ සංගමයේ සභාපති සරත් මුණසිංහ පැවසුවේ කොවිඩ් වසංගත තත්ත්වය හේතුවෙන් මෙම තීරණය ගත් බවයි.

පවතින වසංගත තත්වය හමුවේ බොහෝ නගර වල වෙළඳ සංගම් කැමැත්තෙන් සිය කඩ සාප්පු වසා නගර ජනතාවගෙන් තොර කිරීම සඳහා සහය දුන්නා.

මේ වනවිට එලෙස ස්වයං Lock-Down වූ නගර ගණන 37ක් දක්වා ඉහළ ගොස් තිබෙනවා. ඒ අද සිට තවත් නගර 18ක කඩ සාප්පු සතියකට වසා දැමීමට අදාළ නගර වල වෙළඳ සංගම් තීරණය කළ නිසාවෙන්.

ඒ අනුව අනුරාධපුරය, ත්‍රිකුණාමලය නගර සභා සහ ප්‍රාදේශීය සභා බල ප්‍රදේශ, හලාවත, අම්පාර, වෙන්නප්පුව, කැකිරාව, මොනරාගල, දඹුල්ල, දිවුලපිටිය, දැරණියගල, ඌරගස්මන්හන්දිය, කහවත්ත, වාද්දුව, බාඳුරාගොඩ, අලව්ව, පදියපැලැල්ල, පල්ලේපොල, යාපනය කොදිගාමම් සහ මිද්දෙණිය,වැලිමඩ වෙළඳ සංකීර්ණය මෙලෙස අද සිට වසා දැමෙනවා.

- - - - - - - - - - - - - - - - - - - - - - - - - - - - - - - - - - - - - - - - - - - 

You may like this video-: