“අයිශ්වර්යාගේ රතු හිසකෙස්, කළු වෙල්වට් ගවුම හා දියමන්ති ආභරණය සැවොම පුදුම කරයි” - පැරිස් විලාසිතා දැක්ම උණුසුම් කළ විලාසිතාව

සුප්‍රකට බොලිවුඩ් නිළි අයිශ්වර්යා රායි බච්චන් පැරිස් විලාසිතා සතියේදී ඇයගේ නවතම විලාසිතා පෙනුමෙන් රසිකයන්ගේ අවධානය දිනාගෙන තිබේ. සැප්තැම්බර් 28 වැනිදා පැවති L'Oréal Paris Le Défilé විලාසිතා දැක්මේදී ඇය සම්පූර්ණයෙන්ම කළු පැහැති ඇඳුමකින් සැරසී වේදිකාවට පැමිණියාය.

අයිෆල් කුළුණ සහ École Militaire පසුබිම් කරගනිමින් Place Joffre හිදී මෙම විලාසිතා දැක්ම පැවැත්වී තිබූ අතර, මෙවර එහි තේමාව වූයේ “Express Your Worth” යන්නයි.

මෙහිදී අයිශ්වර්යා සිරියානු සුඛෝපභෝගී විලාසිතා සන්නාමයක් වන Yara Shoemaker විසින් නිර්මාණය කළ විශේෂ ඇඳුමකින් සැරසී සිටියාය. එම ඇඳුම එම සන්නාමයේ 2026-2027 සරත්-ශීත කෝචර් එකතුවට අයත් නිර්මාණයකි.

''ලක්ෂ ගණනක ණයකින් වැසෙන්න ගිය ආපනශාලාවක්'' විරාත් කෝලිගේ බිරිඳ අනුෂ්කාගේ ඕඩරයෙන් කෝටි ගණනක ලාභ ලබපු හැටි

ඇය පැළඳ සිටි කළු පැහැති වෙල්වට් ගවුම ත්‍රිමාණ ෆ්‍රින්ජ් මෝස්තරවලින් අලංකාර කර තිබූ අතර, ඊට ගැළපෙන ලෙස ස්ඵටිකවලින් සරසන ලද වෙල්වට් කේප් එකක්ද එක්කර තිබුණි. ගවුම සිරුරට ගැළපෙන ආකාරයට සකස් කර තිබූ අතර, ඉණ ප්‍රදේශය කැපී පෙනෙන ලෙස නිර්මාණය කර තිබීමද විශේෂත්වයකි.

එහි පහළ කොටස බිමට ආසන්න වන තරමට දිගු කර තිබීම නිසා ඇයගේ වේදිකා පෙනුමට වැඩි ආකර්ෂණයක් එක්වී තිබුණි. ඇයගේ පෙනුම තවත් කැපී පෙනුණේ දියමන්තිවලින් අලංකාර කළ කුඩා ඔටුන්නක් වැනි හිස් ආභරණයක් සහ දියමන්ති මුදු පැළඳ සිටීම හේතුවෙනි.

කළු පැහැති පාවහන් යුගලයකින්ද ඇයගේ සමස්ත පෙනුම සම්පූර්ණ කර තිබුණි. කෙසේ වෙතත්, එහිදී බොහෝ දෙනාගේ අවධානයට ලක්වූ ප්‍රධානම කරුණක් වූයේ අයිශ්වර්යාගේ නව හිසකෙස් වර්ණයයි.

ඇය මෙහිදී පළමු වරට ගිනි රතු පැහැයට හුරු හිසකෙස් පෙනුමකින් ප්‍රසිද්ධියේ පෙනී සිටියාය. ඇයගේ හිසකෙස් පැත්තකට බෙදා මෘදු රැලි සහිත ආකාරයෙන් සකස් කර තිබුණි. වේශ නිරූපණය සඳහා ඇය තද රතු පැහැති තොල් ආලේපනයක් සහ ඇස් දෙපසට දිගු වන ආකාරයේ ඇස් ආලේපනයක් භාවිත කර තිබුණි.

ඊට අමතරව කම්මුල්වල රෝස පැහැති ආලේපනයක්, ස්වාභාවික පෙනුමක් ඇති ඇහි බැමි සහ මුහුණේ හැඩය ඉස්මතු කරන මෘදු වේශ නිරූපණයක්ද එක්කර තිබුණි.

මෙවර L'Oréal Paris විලාසිතා දැක්ම සඳහා ලොව පුරා ප්‍රසිද්ධ පුද්ගලයන් රැසක් එක්ව සිටියහ. Simone Ashley, Viola Davis, Cara Delevingne, Jane Fonda, Kendall Jenner සහ Eva Longoria ඇතුළු තවත් ප්‍රසිද්ධ පුද්ගලයන් රැසක්ද එම අවස්ථාවට සහභාගී වී තිබුණි.

සාරියට නවීන හැඩයක් එක් කළ මෘණාල් ඨාකූර් ''ගුවන්තොටුපොළේදී කාගෙත් නෙත් සිත් ඇද බැද ගනී''