විහාරස්ථානයක ශ්‍රමදාන කටයුත්තකදී නොහිතපු පිපිරීමක් ..ඇඟ හිරිවට්ටමින් සෝදිසියේදී හමුවෙලා තියන දේ බලන්න..
Piyumika
බෙලිඅත්ත නිහිළුව ප්‍රදේශයේ විහාරස්ථානයක ඉඩම ට්‍රැක්ටරයක් මගින් සුද්ද කරමින් සිටියදී ඉඩමේ තිබූ විදේශිය රටක නිෂ්පාදිත අත් බෝම්බයක් පුපුරා ගොස් ඇති බවත් පසුව එම ස්ථානයේ තිබී තවත් ජීව අත් බෝම්බ දෙකක් හමුවී ඇති බවත් දකුණු පළාත් බාර ජ්‍යෙෂ්ඨ නියෝජ්‍ය පොලිස්පති කාර්යාලය පවසයි.
ට්‍රැක්ටරය විහාරස්ථානයට අයත් එකක් වන අතර විහාරාධිපති හිමියන්ගේ ඥාති පුතෙකු ට්‍රැක්ටරයේ පිටුපස තණකොල කපන උපකරණයක් සවිකරගෙන තණකොල කපමින් සිටියදි මෙම බෝම්බය පුපුරාගොස් ඇත.
අක්කර පහක් පමණ විශාල ඉඩම වසරකට පමණ පසු සුද්ද කරමින් සිටියදි බෝම්බය පුපුරාගොස් ඇති අතර එහිදී ට්‍රක්ටරයේ රියදුරුට තුවාල සිදුව නැත.
පසුව කරන ලද සෝදිසියකදී ඒ ආසන්නයේ තිබී තවත් ජිව අත් බෝම්බ දෙකක් සොයාගෙන තිබේ.
බෙලිඅත්ත පන්වැව විශේෂ කාර්ය බලකායේ බෝම්බ නිශ්ක්‍රිය අංශය පැමිණ බෝම්බ නිශ්ක්‍රිය කිරිමට පියවර ගෙන ඇති බවත් මෙම විහාරස්ථානය පාලු ප්‍රදේශයක පිහිටා ඇති බවත් පොලිසිය පවසයි.
You may like this video
