ට්‍රම්ප්ගේ අලුත් කොන්ඩ මෝස්තරයෙන් අන්තර්ජාලය කැළඹෙයි - කොන්ඩ විලාසිතා මීම් ගොන්නක් හදයි [VIDEO]

අමෙරිකානු ජනාධිපති ඩොනල්ඩ් ට්‍රම්ප්ගේ වෙනස් වී ඇති බව පෙනෙන රන්වන් පැහැති හිසකෙස් සම්බන්ධයෙන් මේ වනවිට සමාජ මාධ්‍ය තුළ දැඩි කතාබහක් ඇතිව තිබේ. ට්‍රම්ප් පසුගිය අගෝස්තු 5 වැනිදා නෙවාඩා ප්‍රාන්තයේ ලාස් වේගාස්හි Red Rock Casino වෙත පැමිණි අවස්ථාවේදී ඔහුගේ හිසකෙස් වෙනදාට වඩා පිරුණු සහ දිලිසෙන ස්වභාවයකින් පෙනී සිටීම මෙලෙස සමාජ මාධ්‍ය පරිශීලකයන්ගේ අවධානයට ලක්ව තිබේ.

එහිදී පැවති කතාවකදී ට්‍රම්ප් සිය පරිපාලනයේ ආර්ථික ජයග්‍රහණ පිළිබඳ අදහස් පළ කළ අතර, සේවා ගාස්තු මත බදු සහන ලබාදීම, බෙහෙත් මිල අඩු කිරීම සහ “Trump Accounts” ඇතුළු කරුණු සම්බන්ධයෙන් අදහස් දැක්වීය.

ඇමරිකානු ඉරාන යුද්දය තීරණාත්මක තැනකට - හෝමුස් විවෘත කරන්න ඉරානයෙන් අමෙරිකාවට පැනවු කොන්දේසි මෙන්න

කෙසේ වෙතත්, ට්‍රම්ප්ගේ කතාවට වඩා ඔහුගේ හිසකෙස් සම්බන්ධයෙන් සමාජ මාධ්‍ය පරිශීලකයන්ගේ අවධානය යොමුව තිබුණි. ඔහුගේ නව පෙනුම සම්බන්ධයෙන් විවිධ මීම්, විහිළු සහ සැසඳීම් සමාජ මාධ්‍ය ඔස්සේ හුවමාරු වී ඇති අතර, ඇතැම් පරිශීලකයන් ඔහුගේ හිසකෙස් විග් එකක් දැයි ප්‍රශ්න කර තිබේ.

එක් පරිශීලකයෙකු “ට්‍රම්ප්ගේ විශාල හිසකෙස් පිළිබඳ මීම් දැන් සීමාව ඉක්මවා ගොස් තිබෙනවා” යනුවෙන් සටහනක් පළ කර තිබේ. තවත් පරිශීලකයෙකු ට්‍රම්ප්ගේ නව පෙනුම අගය කරමින්, “කවුරු මොනවා කිව්වත් මට කමක් නැහැ. ජනාධිපති ට්‍රම්ප් වයසට යනවා වෙනුවට තරුණ වෙමින් සිටින බවට මෙය සාක්ෂියක්.

අද ඔහුගේ හිසකෙස් ඇත්තෙන්ම විශිෂ්ටයි” යනුවෙන් සඳහන් කර ඇත. තවත් සමාජ මාධ්‍ය ගිණුමක් ට්‍රම්ප්ගේ නව හිසකෙස් සම්බන්ධයෙන් කෘත්‍රිම බුද්ධිය මගින් නිර්මාණය කළ වීඩියෝවක්ද X ඔස්සේ පළ කර තිබේ.

මේ අතර, ට්‍රම්ප්ගේ ඥාති සොහොයුරිය වන මේරි ට්‍රම්ප්ද ඔහුගේ හදිසියේ පිරුණු බව පෙනෙන හිසකෙස් සම්බන්ධයෙන් අදහස් පළ කර තිබේ. ඇය එය ‘Rudolph the Red-Nosed Reindeer’ කතා මාලාවේ චරිතයක් වන Hermey the Elf සමඟ සසඳා ඇති අතර, ට්‍රම්ප් සිය හිසකෙස් සම්බන්ධයෙන් දක්වන අවධානය තම පියා වූ ෆ්‍රෙඩ් ට්‍රම්ප්ගේ හිසකෙස් ගැලවීම පිළිබඳ තිබූ දැඩි අවධානය ඇයට සිහිපත් කරන බවද සඳහන් කර ඇත.

ස්පාඤ්ඤයේ සඳ සූර්යයා වසර 121කට පසු සම්පූර්ණයෙන් වසා ගනී - ස්පාඤ්ඤයට පූර්ණ සූර්යග්‍රහණයක්

SiriusXM වැඩසටහන් ඉදිරිපත් කරන්නෙකු වන ඩීන් ඔබෙයිඩලාගේ YouTube වැඩසටහනකට එක්වෙමින් මේරි ට්‍රම්ප් පවසා ඇත්තේ, ට්‍රම්ප්ගේ නව හිසකෙස් පෙනුම හොඳද නැද්ද යන්න පිළිබඳ තමන්ට අදහසක් දැක්වීමට අවශ්‍යතාවක් නොමැති බවයි.

කෙසේ වෙතත්, ට්‍රම්ප්ගේ පෙනුම තමන්ට ‘Rudolph the Red-Nosed Reindeer’ හි Herby the Dentist චරිතය සිහිගන්වන බව ඇය පවසා තිබේ. එමෙන්ම, තම පියා වූ ෆ්‍රෙඩ් ට්‍රම්ප් ඇල්සයිමර් රෝගයෙන් පීඩා විඳිමින් සිටියදී හිසකෙස් ගැලවීම සම්බන්ධයෙන් වැඩි අවධානයක් යොමු කළ බවත්, ඔහු නිසි ලෙස නොගැළපෙන කෘත්‍රිම හිසකෙස් පැළඳ සිටි බවත්, හිසකෙස් සහ උඩු රැවුල වර්ණ ගැන්වූ බවත් මේරි ට්‍රම්ප් සඳහන් කර ඇත.

එකම තැනක රස දහසක් විඳගන්න ඔබත් Reecha Food Festival මහා ආහාර සැනකෙළියට එන්න

The Trump big hair memes have officially gotten out of hand 😂🤣 pic.twitter.com/c8oDXHTccv

— Politi_Rican 🇵🇷 𝕏 🇺🇸 (@TheRicanMemes) August 7, 2026