සැප්තැම්බර් මාසයේ සංචාරක ලක්ෂය පනී පැමිිණීම - ශ්‍රී ලංකා සංචාරක සංවර්ධන අධිකාරියෙන් අලුත්ම දත්ත නිකුත් වෙයි

මෙම මාසයේ මේ දක්වා ශ්‍රී ලංකාවට පැමිණ ඇති විදෙස් සංචාරකයින් සංඛ්‍යාව 100,000 ඉක්මවා තිබේ.

ශ්‍රී ලංකා සංචාරක සංවර්ධන අධිකාරිය (SLTDA) නිකුත් කළ නවතම දත්ත අනුව, සැප්තැම්බර් මාසයේ පළමු සති තුන තුළ ජාත්‍යන්තර සංචාරකයින් 107,093 දෙනෙකු ශ්‍රී ලංකාවට පැමිණ ඇත

 එම කාලය තුළ ශ්‍රී ලංකාවේ ප්‍රධානතම සංචාරක වෙළෙඳපොළ ලෙස ඉන්දියාව තවදුරටත් පෙරමුණ ගෙන ඇති අතර, ඉන්දියානු සංචාරකයින් 32,536 දෙනෙකු මෙරටට පැමිණ තිබේ.

එය එම කාලය තුළ වාර්තා වූ සමස්ත සංචාරක පැමිණීම්වලින් සියයට 30කට ආසන්න ප්‍රමාණයකි.

සංචාරකයින් 7,906 දෙනෙකු සමඟ එක්සත් රාජධානිය දෙවන විශාලතම වෙළෙඳපොළ බවට පත්ව ඇති අතර, ඕස්ට්‍රේලියාවෙන් සංචාරකයින් 7,393 දෙනෙකු පැමිණ තෙවන ස්ථානයට පත්ව තිබේ.

මේ අතර, චීනයෙන් සංචාරකයින් 6,409 දෙනෙකු සහ ජර්මනියෙන් 5,440 දෙනෙකු පැමිණ ඇති අතර, එම රටවල් දෙකද සැප්තැම්බර් මාසයේ ඉහළම සංචාරක වෙළෙඳපොළ පහ අතරට එක්ව තිබේ.

සැප්තැම්බර් මාසයේ මේ දක්වා වාර්තා වූ පැමිණීම්ද සමඟින්, 2026 වසරේ මේ දක්වා ශ්‍රී ලංකාවට පැමිණ ඇති සමස්ත විදෙස් සංචාරකයින් සංඛ්‍යාව 1,642,215 දක්වා ඉහළ ගොස් තිබේ.

2026 ජනවාරි සිට සැප්තැම්බර් දක්වා කාලය තුළ වැඩිම සංචාරකයින් සංඛ්‍යාවක් පැමිණ ඇත්තේ ඉන්දියාවෙනි.

එම සංඛ්‍යාව 418,019කි. එක්සත් රාජධානියෙන් සංචාරකයින් 157,895 දෙනෙකු පැමිණ ඇති අතර, චීනයෙන් 107,237ක්, ජර්මනියෙන් 95,441ක් සහ ඕස්ට්‍රේලියාවෙන් 83,431ක් වාර්තා වී තිබේ.

පීඩන අවපාතයේ බලපෑමෙන් ලංකාවට වැසි සහ සුළං තත්ත්වයක්- පළාත් 4කට සහ දිස්ත්‍රික්ක දෙකකට මි.මී. 100 පැන්නූ මහ වැසි

බෙංගාල බොක්කේ බහුදින ධීවර යාත්‍රාවලට කාලගුණ විද්‍යා දෙපාර්තමේන්තුවෙන් හදිසි රතු නිවේදනයක්