ගර්භාෂයේදී ගබ්සා කරන්න කියූ ආබාධිත බිළිඳා වෙනුවෙන් ආදේශක මව ශ්‍රේෂ්ඨාධිකරණයට! ඇමරිකාව කැළඹූ සංවේදී නීතිමය සටන

කැලිෆෝනියාවේ පදිංචි යුවළක් වෙනුවෙන් ආදේශක මවක් ලෙස කටයුතු කළ කාන්තාවක්, බරපතළ හෘද දෝෂයක් සහිතව උපත ලැබූ සති හතරක් වයසැති බිළිඳෙකු සම්බන්ධයෙන් පවතින භාරකාර ආරවුලකට මැදිහත් වන ලෙස එක්සත් ජනපද ශ්‍රේෂ්ඨාධිකරණයෙන් ඉල්ලා තිබේ.

ඇලස්කාවේ පදිංචි මැකේනා වෙස්ට් විසින් මෙම හදිසි අභියාචනය ඉදිරිපත් කර ඇති අතර, එය ආදේශක ගැබ් ගැනීම, ගබ්සාව සහ දරුවෙකුගේ භාරකාරත්වය සම්බන්ධයෙන් පවතින සංකීර්ණ නීතිමය ගැටලුවක් බවට පත්ව තිබේ.

වෙස්ට් පවසන්නේ, කැලිෆෝනියාවේ පදිංචි ඕමාර් අහමඩ් සහ නෞෂීන් ගිල්කාර් යුවළ තමන්ගේ දරුවා ලෙස පිළිගන්නා කැලිෆෝනියා අධිකරණ නියෝගය අත්හිටුවන ලෙසයි. අදාළ යුවළ ගර්භයේ සති 23දී ගබ්සාවක් සිදුකරන ලෙස ඉල්ලා සිටි බව සඳහන් කරන වෙස්ට්, දරුවාගේ ජීවිතය බේරා ගැනීම සඳහා අවශ්‍ය වෛද්‍ය ප්‍රතිකාර ලබා නොදෙනු ඇතැයි තමන් විශ්වාස කරන බව පවසයි.

ඒ හේතුවෙන් දරුවාගේ භාරකාරත්වය ලබා ගැනීමට තමන් උත්සාහ කරන බවද ඇය සඳහන් කර තිබේ. දරුවා අගෝස්තු 12 වැනිදා “හයිපොප්ලාස්ටික් වම් හෘද සින්ඩ්‍රෝමය” නම් ජීවිතයට තර්ජනයක් විය හැකි හෘද රෝගී තත්ත්වයක් සහිතව උපත ලබා ඇති අතර, උපත ලැබූ වහාම ශල්‍යකර්මයකට භාජනය කර තිබේ.

"සිංහයා අනුරාධපුරයට '' නාමල් බන්ධනාගාරයේ සිටියදී මහින්ද වෙනුවෙන් තිස්සකුට්ටිආරච්චි සමාජ මාධ්‍යයට මුදාහළ ආන්දෝලනාත්මක වීඩියෝව

වෙස්ට්ගේ නීතිඥයන් පවසන්නේ, දරුවාට ඉදිරියේදී අවශ්‍ය විය හැකි ශල්‍යකර්ම හෝ වෙනත් ජීවිතාරක්ෂක ප්‍රතිකාර ලබාදීම සම්බන්ධයෙන් යුවළ නිශ්චිත කැපවීමක් දක්වා නොමැති බවයි.

මේ අතර, දරුවාගේ වත්මන් සෞඛ්‍ය තත්ත්වය පිළිබඳ කිසිදු තොරතුරක් තමන්ට ලබා නොදෙන බව වෙස්ට්ගේ අභියාචනයේ සඳහන් කර ඇත. දෙපාර්ශ්වය අතර පවතින නීතිමය ආරවුල හේතුවෙන් වෙස්ට්ට දරුවා දැකීම හෝ ඔහු සමඟ සම්බන්ධ වීමද තහනම් කර තිබේ.

මෙම නඩුවට සම්බන්ධ නොවන නීතිඥ මාර්ලා නියුෆෙල්ඩ් පවසා ඇත්තේ, මෙවැනි පවුල් ආරවුලකට ශ්‍රේෂ්ඨාධිකරණය හදිසි මැදිහත්වීමක් සිදුකිරීමේ හැකියාව සාපේක්ෂව අඩු බවයි. එක්සත් ජනපදයේ ආදේශක ගැබ් ගැනීම සම්බන්ධයෙන් ෆෙඩරල් මට්ටමේ ඒකාබද්ධ නීතියක් නොමැති අතර, ඒ ඒ ප්‍රාන්තවල පවතින නීති අනුව මෙවැනි ආරවුල් සම්බන්ධයෙන් විවිධ නීතිමය තත්ත්වයන් මතුවිය හැකිය.

ගුරු සේවයේ සිටින සියලුම ගුරුවරුන්ට සුබම සුබ ආරංචියක් - ආයේ උසස් වීම් ගන්න මේවා ඕන් නෑ