ඔක්තෝබර් සහ නොවැම්බර් මාස දෙකේ ලංකාව අනතුරේ - ඉස්සරහට එන්න යන්න බිහිසුණු අවදානමක්

ඔක්තෝබර් සහ නොවැම්බර් මාසවලදී ශ්‍රී ලංකාවට වැඩි වර්ෂාපතනයක් ලැබිය හැකි බැවින්, ගංවතුර තත්ත්වයන්ට මුහුණ දීම සඳහා සූදානම් වීමට බලධාරීන්ට සිදුවිය හැකි බව කාලගුණ විද්‍යා දෙපාර්තමේන්තුවේ නිලධාරියෙක් පැවසීය.

බෙංගාල බොක්ක ආශ්‍රිතව පවතින ක්‍රියාකාරීත්වය ඉහළ යාම හේතුවෙන් සාමාන්‍යයෙන් මෙම මාස දෙක තුළ ශ්‍රී ලංකාවේ ගංවතුර තත්ත්වයන් ඇතිවීමේ ප්‍රවණතාවක් පවතින බවත්, වත්මන් කාලගුණ අනාවැකිවලට අනුව ද මෙම කාලසීමාව තුළ වර්ෂාපතනය ඉහළ යාමක් පෙන්නුම් කරන බවත් එම නිලධාරියා සඳහන් කළේය.

අද සිට ආදායම් බලපත්‍ර නිකුත් කිරීම අත්හිටුවයි - පළාත් සභා තීරණයයෙන් ඇතිවන ජනතා අපහසුවට කණගාටුව

වර්ෂාපතනයේ තීව්‍රතාවය අනුව ඇතිවිය හැකි ගංවතුර තත්ත්වයන් සඳහා සූදානම් වීම අවශ්‍ය විය හැකි බව ද ඔහු පැවසීය. මේ අතර, ඉදිරි දින කිහිපය තුළ, විශේෂයෙන්ම දිවයිනේ නිරිතදිග ප්‍රදේශවල වැසි සහිත කාලගුණ තත්ත්වයක් අපේක්ෂා කෙරේ.

මෑතකදී සාපේක්ෂව වියළි කාලගුණයක් පැවති ප්‍රදේශවල සැප්තැම්බර් 28-29 පමණ සිට ඔක්තෝබර් මාසය දක්වා කාලය තුළ පස්වරු කාලයේ ගිගුරුම් සහිත වැසි ඇතිවීමේ හැකියාවක් පවතින බව ද එම නිලධාරියා ප්‍රකාශ කළේය.

මුහුදු රළ ඉහළට - මුහුදු රළ ගොඩබිමට පැමිණීමේ අවදානමක් - ජනතාව අනතුරු ඇඟවීම්

ක්ෂණික කාලගුණ අනාවැකියට අනුව, බස්නාහිර සහ සබරගමුව පළාත්වල මෙන්ම ගාල්ල, මාතර, මහනුවර සහ නුවරඑළිය දිස්ත්‍රික්කවල ද විටින් විට වැසි ඇතිවිය හැකි බව අපේක්ෂා කෙරේ.

සමහර ප්‍රදේශවල මුහුද රළු විය හැකි අතර ඇතැම් වෙරළබඩ මුහුදු ප්‍රදේශවල රළ උස මීටර් දෙකත් තුනත් අතර මට්ටමකට ළඟා විය හැකිය. ඒ අනුව, වෙරළබඩ ප්‍රජාවන් මෙන්ම ධීවර සහ නාවික ප්‍රජාවන් ද මේ පිළිබඳව අවධානයෙන් පසුවන ලෙස දැනුම් දී ඇත.

ඉදිරි පැය 24 අනතුරුදායකයි - වාරිමාර්ග දෙපාර්තමේන්තුවෙන් දරුණු අනතුරු ඇඟවීමක්