අවදානම ඉදිරියටත් මේ පැති පරිස්සමෙන්

ජාතික ගොඩනැගිලි පර්යේෂණ සංවිධානය විසින් දිවයිනේ ප්‍රදේශ කිහිපයක් සඳහා නිකුත් කර තිබූ නායයෑම් අනතුරු ඇඟවීමේ නිවේදනය තවදුරටත් දීර්ඝ කිරීමට තීරණය කර ඇත.

ඒ අනුව කළුතර දිස්ත්‍රික්කයේ වලල්ලාවිට, ඉංගිරිය, බුලත්සිංහල, මාතර දිස්ත්‍රික්කයේ පිටබැද්දර, කොටපොල, රත්නපුර දිස්ත්‍රික්කයේ කොළොන්න, රත්නපුර, ඇලපාත, කහවත්ත, ඉඹුල්පේ, කලවාන, නිවිතිගල, අයගම, ගාල්ල දිස්ත්‍රික්කයේ නාගොඩ, මහනුවර දිස්ත්‍රික්කයේ යටිනුවර, කෑගල්ල දිස්ත්‍රික්කයේ මාවනැල්ල යන ප්‍රාදේශීය ලේකම් කොට්ඨාස සඳහා අදියර 2 යටතේ අවධානයෙන් සිටින ලෙස අනතුරු ඇඟවීම් නිවේදනයක් නිකුත් කර ඇත.

මේ ප්‍රදේශවල ජනතාවට අනතුරු ඇගවීමක්

බදුල්ල දිස්ත්‍රික්කයේ බණ්ඩාරවෙල, හපුතලේ, ඌව පරණගම, කන්දේකැටිය, හල්දුම්මුල්ල, කොළඹ දිස්ත්‍රික්කයේ පාදුක්ක, හම්බන්තොට දිස්ත්‍රික්කයේ කටුවන, කළුතර දිස්ත්‍රික්කයේ මතුගම, හොරණ, මහනුවර දිස්ත්‍රික්කයේ පාතහේවාහැට, තුම්පනේ, ගඟ ඉහළ කොරළය, උඩු නුවර, උඩුදුම්බර, උඩ පළාත, ගඟවට කෝරළය, පස්බාගේ කොරළය, කෑගල්ල දිස්ත්‍රික්කයේ අරණායක, රුවන්වැල්ල, යටියන්තොට, රඹුක්කන, කෑගල්ල, දැරණියගල, ගලිගමුව, වරකාපොල, මාතර දිස්ත්‍රික්කයේ පස්ගොඩ, නුවරඑළිය දිස්ත්‍රික්කයේ අඹගමුව, කොත්මලේ, රත්නපුර දිස්ත්‍රික්කයේ කිරිඇල්ල, ඕපනායක, වැලිගෙපොල, කල්තොට යන ප්‍රාදේශීය ලේකම් කොට්ඨාස සඳහා අදියර 1 යටතේ විමසිලිමත් බවින් සිටින ලෙසත් අනතුරු ඇඟවීමේ නිවේදයක් නිකුත් කර තිබේ.

රත්තරන් නිසා කිරිසප්පයෝ 23ක් බිලි වේ

එමෙන්ම කඳු ආශ්‍රිතය යම් තරමක වර්ෂාපතනයක් පවතින බැවින් එම ප්‍රදේශවල අනතුරුදායක ස්ථානවල ජීවත් වන පිරිස් සහ ඇළ මාර්ග දෙපස ජීවත් වන ජනතාව මේ සම්බන්ධව සැලකිළිමත් විය යුතු බවත් එම සංවිධානය සිය නිවේදනයේ දන්වා ඇත. ජාතික ගොඩනැගිලි පර්යේෂණ සංවිධානය සඳහන් කළේ යම් ආකාරයක වර්ෂාපතනයේ ක්‍රමික වර්ධනයක් පැවතිය හොත් අනතුරුදායක ස්ථාන වෙතින් ඉවත්ව ආරක්ෂිත ස්ථානයකට ගමන් ගන්නා ලෙසත්ය.

එපා එපා කියද්දී සුද්දගේ අනවශ්‍ය තැන් අල්ලපු කාන්තාව - ලංකාවටම ලැජ්ජාවක්