උසස් පෙළ විභාගය ලියන සියලුම දෙනාට විශේෂ නිවේදනයක් - අද සිට ක්‍රියාත්මකයි

අධ්‍යයන පොදු සහතික පත්‍ර උසස් පෙළ විභාගය ලබන 10 වැනිදා සිට දෙසැම්බර් මස 5 වැනි දින දක්වා පැවැත්වීමට නියමිත බව විභාග කොමසාරිස් ජනරාල් ඒ. කේ. එස්. ඉන්දිකා කුමාරි ලියනගේ මහත්මිය ප්‍රකාශ කරයි.

ඒ අනුව රට පුරා විභාග මධ්‍යස්ථාන 2,362ක උසස් පෙළ විභාගය පැවැත්වීමට මේ වන විට සියලු කටයුතු සූදානම් කර ඇති බව විභාග කොමසාරිස් ජනරාල්වරිය ප්‍රකාශ කළා.

එසේම මෙවර විභාගය සඳහා පාසල් අයදුම්කරුවන් 246,521ක් සහ පෞද්ගලික අයදුම්කරුවන් 94,004ක් ඇතුළුව සම්පූර්ණ අයදුම්කරුවන් 340,525ක් පෙනී සිටීමට නියමිත බව වාර්තා වේ.

අ.පො.ස. උසස් පෙළ විභාගය ගැන අති විශේෂ දැනුම්දීමක්

විභාග කොමසාරිස් ජනරාල්වරිය සඳහන් කළේ මෙවර උසස් පෙළ විභාගය සඳහා පැවැත්වෙන සියලුම උපකාරක පන්ති පැවැත්වීම, විශයානුබද්ධ සම්මන්ත්‍රණ පැවැත්වීම, දේශණ සහ වැඩමුළු පැවැත්වීම සහ අනුමාන ප්‍රශ්න පත්‍ර සාකච්ඡා කිරීම ඇතුළු විභාගය සම්බන්ධ සියලුම ප්‍රචාරණ කටයුතු හෙට (04) දින මධ්‍යම රාත්‍රි 12 සිට තහනම් වනු ඇති බවයි.

එමෙන්ම විභාගය සඳහා වූ පාසල් අයදුම්කරුවන් මෙන්ම පෞද්ගලික අයදුම්කරුවන්ගේ ප්‍රවේශපත්‍ර මේ වන විට ලබා දී අවසන් බවත් යම් අයෙකුට ප්‍රවේශපත්‍රය නොලැබුණේ නම් අද දින සිට ශ්‍රී ලංකා විභාග දෙපාර්තමේන්තුවේ වෙබ් අඩවියට පිවිස ලබා ගත හැකි බවත් ඇය ප්‍රකාශ කළා.

මෙහිදී විභාග කොමසාරිස් ඉන්දිකා කුමාරි ලියනගේ මහත්මිය වැඩිදුරටත් අදහස් දක්වමින් සඳහන් කළේ,

මේ මාසේ ඉඳන් නව විශ්‍රාම වැටුප් ක්‍රමවේදයක්

"මේ වෙනකොට දරුවන් විෂය නිර්දේශය අවසන් කරලා විභාගයට සූදානම් වෙලා ඉන්න මොහොතේ ඉතාම හොඳ මානසික තත්ත්වයෙන් විභාගයට සූදානම් වෙන්න කියලා මම ඉල්ලනවා. ප්‍රශ්න පත්‍රවල කිසිදු වෙනසක් නැහැ. පසුගිය වසර ආකාරයටම තමයි. ඒ නිසා ඔබට ලැබී ඇති කාලසටහන අනුව විභාගය සඳහා මනා ලෙස සූදානම් වෙලා හොඳ මානසික තත්ත්වයක් සහිතව සන්සුන්ව ඔබට ලැබෙන ප්‍රශ්න පත්‍රයට නියමිත කාලය තුළ ඔබ ප්‍රශන පත්‍රය මැනවින් කියවා පිළිතුරු සංවිධානය කරගෙන පිළිතුරු සපයන්න කියලා දරුවන්ගෙන් මම ඉල්ලා සිටිනවා. දෙමාපියන්ටත් කියන්න තියෙන්නේ මේ දරුවන් පාසල් දිවියේ අවසාන වසරේ පවත්වන විභාගය. මේ විභාගය දරුවන්ගේ ජීවිතයට ගොඩක් වැදගත් විභාගයක්. ඒ නිසා මේ විභාගයේදී දරුවන්ට පීඩනයකින් තොරව විභාගයට මුහුණ දීමට නිවසේ පරිසරයත් මනා ලෙස සකස් කරලා දරුවන්ට පීඩනයක් ඇති නොවන ආකාරයට විභාගයට සන්සුන්ව මුහුණ දෙන්න අවශ්‍ය කරන පරිසරය සකස් කර දෙන්න කියලා මම ආදරණීය දෙමාපියන්ගෙන් ඉල්ලන්නේ."

වාහන ආනයනය පිළිබඳව සුභම සුභ පණිවිඩයක් - රජයෙන් කරන දේ මෙන්න

රත්තරන් ආයේ ගණන් වැඩි වෙලා - අලුත්ම මිල ගණන් මෙන්න