රාජකීය විද්‍යාලයීය ආදි ගුරු සංගමයෙන් Sri lanka Rebuilding අරමුදලට මිලියනයක්

400 කට අධික සාමාජිකත්වයක් ඇති සහ දිවයිනේ විශාලතම ආදි ගුරු සංගමය ලෙස පිළිගත් රාජකීය විද්‍යාලයීය ආදි ගුරු සංගමය, “Sri Lanka Rebuilding අරමුදලට” රුපියල් මිලියනයක චෙක්පතක් භාර දී ඇත.

සංගමයේ සමුච්චිත අරමුදල්වලින් ලබා දුන් පරිත්‍යාගය, භාණ්ඩාගාරයේ නියෝජ්‍ය ලේකම් වෙත ඉදිරිපත් කරන ලද අතර, මුදල් නියෝජ්‍ය අමාත්‍ය ආචාර්ය අනිල් ජයන්ත ප්‍රනාන්දු විසින් භාර ගෙන ඇත. ඌන සංවර්ධිත පාසල්වලට සහාය වීම අරමුණු කරගත් ව්‍යාපෘති කිහිපයක් ක්‍රියාත්මක කරමින් ව්‍යුහගත වාර්ෂික සැලැස්මකට අනුව කටයුතු කරන පාසල් පාදක ආයතන අතරින් එවැනි එකම සංවිධානය සංගමය වේ.

ඊට අමතරව, පිළිකා රෝහලේ රෝගීන්ට අත්‍යවශ්‍ය ද්‍රව්‍ය පරිත්‍යාග කිරීම මෙන්ම රාජකීය විද්‍යාලයීය නේවාසිකාගාරයේ පදිංචි ශිෂ්‍යත්වලාභීන්ට මූල්‍ය ආධාර සැපයීම පිළිබඳව සාකච්ඡා පැවැත්වී ඇත. සැලසුම් කර ඇති ප්‍රධාන මුලපිරීම් අතර, මිලදී ගැනීමකට උපරිම රුපියල් 4,000 ක් දක්වා බෙහෙත් වට්ටෝරු සඳහා 40% ක වට්ටමක් යටතේ ඖෂධ සැපයීමේ වැඩසටහනක් ද පැවැත්විණි.

මෙම වසරේ, සංගමයේ වාර්ෂික මහා සභා රැස්වීම 2025 නොවැම්බර් 29 වන දින රුපියල් මිලියන 1.5 ක වියදමින් පැවැත්වීමට නියමිතව තිබේ. කෙසේ වෙතත්, සිදුවීමට දින දෙකකට පෙර, විනාශකාරී සුළි කුණාටුව රට පුරා පැතිර ගිය අතර, බොහෝ කලාප පුරා පුළුල් විනාශයක් සුදුව නායයෑම් හේතුවෙන් සිය ගණනක් ජීවිත අහිමි වූ අතර, බොහෝ පීඩාවට පත් පවුල්වලට ආදරණීයයන් සහ ඔවුන් ජීවිත කාලය පුරාම ගොඩනඟා ගත් නිවාස අහිමි වි තිබේ.

මෙම ජාතික ඛේදවාචකයට ප්‍රතිචාර වශයෙන්, සුළි කුණාටුවෙන් විපතට පත් වූවන්ට උපකාර කිරීමට සංගමය ඉදිරියට යාමට තීරණය කළ බව වාර්තා වේ. හදිසි රැස්වීමක් කැඳවන ලද අතර, එහිදී සංගමයේ අරමුදල්වලින් රුපියල් මිලියනයක් “ශ්‍රී ලංකාව නැවත ගොඩනැගීමේ අරමුදලට” පරිත්‍යාග කිරීමට ඒකමතිකව තීරණය කළ බවයි සඳහන් වේ. රාජකීය විද්‍යාලයේ ආදි ගුරු සංගමයේ සභාපති එම්. ධර්මදාස, භාණ්ඩාගාරික එන්. බී. සැම්සන්, ඊ. එම්. සුගතදාස, මානෙල් මුණසිංහ සහ එච්. එම්. දයාරත්න යන සමඟ මුදල් නියෝජ්‍ය අමාත්‍ය ආචාර්ය අනිල් ජයන්ත ප්‍රනාන්දු මහතාට චෙක්පත භාර දී ඇත.