ඉඩම් හිමිකම් ලියාපදිංචි කරන්නේ සිංහලෙන් විතරමද? - මෙන්න ඒ ගැන හරියටම දැනගන්න.

පසුගිය සතියේ ගම්පහ ඉඩම් රෙජිස්ටර් කාර්යාලයේ හිමිකම් ලියාපදිංචිය කිරීමේදී සිංහල භාෂාව පමණක් භාවිතා කරන බවට ලද තොරතුරක් මත ගගන අප විසින් ගම්පහ ඉඩම් රෙජිස්ටර් කාර්යාලයට ගොස් ඔවුන්ගෙන් ඒ පිලිබඳ කරණු විමසීමක් සිදු කරනු ලැබුවා.

එහිදී ඔවුන් කියා සිටියේ, හිමිකම් ලියාපදිංචිය කිරීමේදී සිංහල සහ ඉංග්‍රීසි භාෂාව පමණක් භාවිතා කරන අතර එය දමිළ ජනතාව වැඩිපුර වෙසෙන උතුරු නැගෙනහිර දිස්ත්‍රික් වලට පමණක් සිංහල භාෂාව වෙනුවට දමිළ භාෂාව යොදගෙන සකස් කරන බවයි.

තෙල් බදු අඩු කරන්න කිසි බාධාවක් නෑ.. - ගිවිසුම් කතා බොරු.. - හිටපු ඇමති කංචනගේ අනාවරණය මෙන්න.

එමෙන්ම වර්තමානයේ සියල්ල ඩිජිටල්කරණය වී ඇති බැවින් හිමිකම් ලියාපදිංචි කිරීමේ පනතට අනුකූලව ලියාපදිංචි කිරීමේ ආකෘති පත්‍ර අන්තර්ජාලය හරහා බාගත් කර නීතිඥයාවරයකු හරහා හිමිකම් ලියාපදිංචියට අදාළ සියලු කටයුතු සිදුකර ගැනීමෙන් අනතුරුව ඉඩම් රෙජිස්ටර් කාර්යාල මගිනි එකී ආකෘතිපත්‍ර හරි ආකාරව ඇත්ද යන්න පරික්ෂා කර ලියාපදිංචි කිරීමේ කටයුතු සිදුකරනු ලබන බවත්, යම් අයෙකුට එම ආකෘති පත්‍ර අන්තර්ජාලයෙන් බාගත් කරගැනීමේ නොහැකියාවක් වෙතොත් පමණක් ඉඩම් රෙජිස්ටර් කාර්යාලය විසින් ඔවුන්ට එම ආකෘති පත්‍ර ලබාදෙන බවත් ඔවුන් සඳහන් කළා.

මේ අතර එකී ආකෘති පත්‍රයේ එකදු කරුණක් හෝ වෙනස් නොවිය යුතු බවට 1998 අංක 21 දරණ හිමිකම් ලියාපදිංචි කිරීමේ පනතට අදාලව 2022.12.01 වනදා නිකුත් වූ අති විශේෂ ගැසට් පත්‍රයේ සඳහන් වන බවත් එසේ යම් හෝ වෙනසක් නීතිඥයාවරයකු විසින් සකස් කර එවනු ලබන ආකෘතිපත්‍රයක වෙතොත් නැවත එය සකස් කරගත යුතු වන අතර හරියාකාරව හිමිකමට අදාළ සියලු ලියකියවිලි නීතිඥයාවරයකු මාර්ගයෙන් සකස් කරගෙන ඉඩම් රෙජිස්ටාර් කාර්යාලයට පැමිණි පසු ලියාපදිංචියට අදාල කටයුතු එම කාර්යාලය මගින් සිදුකර දෙනු ලබන බව ඔවුන් වැඩිදුරටත් අවධාරණය කර සිටියා.

සරසවි සිසුන් රැගත් බදුල්ල මාරක බස් අනතුරේ රියදුරා ලයිසන් කැන්සල් අයෙක්. - එළියට ආ අලුත්ම තොරතුරු මෙන්න.