ආගමික ස්ථානවල ආරක්ෂාව තරකිරීමට හදිසි පියවරක්

ශ්‍රී ලංකා පොලිසිය විසින් ඉදිරි උත්සව සමයේදී ආගමික ස්ථානවල සහ මහජනතාව රැස්වන ප්‍රදේශවල ආරක්ෂාව තරකිරීමට විශේෂ පියවර ගෙන තිබේ.

පොලිස්පතිවරයා විසින් සියලුම ජ්‍යෙෂ්ඨ නියෝජ්‍ය පොලිස්පතිවරුන්ට සහ නියෝජ්‍ය පොලිස්පතිවරුන්ට උපදෙස් ලබාදී ඇත්තේ ආගමික ස්ථාන කෙරෙහි විශේෂ අවධානයක් යොමු කරමින් නීතිය හා සාමය පවත්වාගෙන යාමට සහ සාමකාමී පරිසරයක් සහතික කිරීමටයි.

අධිකරණයට යන්න කියන්නකෝ.. බොරු පුවත් කියපු අයටත් එන්න වෙයි - නලින්දගෙන් මාධ්‍ය ආයතනවලට අනතුරු ඇඟවීමක්

පොලිස් මාධ්‍ය ප්‍රකාශක, සහකාර පොලිස් අධිකාරී එෆ්.යූ. වූට්ලර් මහතා පැවසුවේ, පූජනීය ස්ථානවල ආරක්ෂක විධිවිධාන ශක්තිමත් කිරීම සඳහා අදාළ ප්‍රදේශවල ආගමික නායකයින් සමඟ සම්බන්ධීකරණය වීමට භාර නිලධාරීන්ට උපදෙස් දී ඇති බවයි.

සාප්පු සවාරි සඳහා විශාල පිරිසක් රැස්වීමට නියමිත ප්‍රධාන නගර මෙන්ම ආගමික උත්සව සඳහා මහජනතාව රැස්වන ස්ථානවල ආරක්ෂාව සහතික කිරීමට විශේෂ අවධානයක් යොමුකරන බව ද ඔහු සඳහන් කළේය.

"මහජන ආරක්ෂක මණ්ඩල සාමාජිකයින්, ආගමික ආයතනවල භාරකාර මණ්ඩල සහ බැතිමතුන් ආරක්ෂාව සහතික කිරීම සඳහා ශ්‍රී ලංකා පොලිසියට සහ ත්‍රිවිධ හමුදාවට සහයෝගය දැක්වීමට ඉදිරිපත් වී සිටිති. සැක සහිත වාහන, පුද්ගලයින් හෝ භාණ්ඩ පිළිබඳව ලඟම පොලිස් ස්ථානයට හෝ පොලිස් නිලධාරියෙකුට වහාම වාර්තා කරන ලෙස මහජනතාවගෙන් ඉල්ලා සිටිමි"

යනුවෙන් ප්‍රකාශකයා අවධාරණය කළේය.

මෙයාව දැක්කොත් වහාම පොලිසියට කියන්න

විශේෂයෙන් බස්නාහිර පළාත පුරා උත්සව සමයේ ආරක්ෂාව තරකිරීම සඳහා අතිරේක පොලිස් නිලධාරීන් 2,500ක් යෙදවීමට නියමිතය. මාර්ග දෙපස වාහන නවතා තැබීමේදී විමසිල්ලෙන් පෙරකිරීමටත්, පෞද්ගලික බඩුබාහිරාදිය ආරක්ෂා කරගැනීමටත් මහජනතාවගෙන් ඉල්ලීමක් කර තිබේ.

එමෙන්ම මංකොල්ලකෑම්, සොරකම් ඇතුළු අපරාධ වැළැක්වීම සඳහා රාත්‍රී කාලයේදී විශේෂ ජංගම මුර සංචාර ඒකක යොදවන බව ද පොලිසිය නිවේදනය කරයි.

මෙම පියවර මගින් උත්සව සමය සාමකාමීව සහ ආරක්ෂිතව සමරණය කිරීමට මහජන සහයෝගය අත්‍යවශ්‍ය බව පොලිසිය අවධාරණය කරයි.

ඇවෙන්රා බත්වල පණුවෝ හිටිය කියන එක ඇත්ත, හෝටල් පාලනාධිකාරිය නෑ කියයි - නුවන්ගි නැවත ශපථ කරයි