පළාත් පනින්න හැකි අය ගැන සෞඛ්‍ය අමාත්‍යාංශයෙන් නිවේදනයක්.

ඊයේ සිට දැඩි කෙරුණු නව සංචරණ නීති රීති යටතේ පළාත් සීමා මායිම් හරහා ගමන් කළ හැකි අවසරලත් ඒකක හතක් සෞඛ්‍ය අමාත්‍යාංශය මඟින් නිවේදනය කර තිබෙනවා.

ඒ අනුව අගෝස්තු 31 වැනිදා දක්වා බලපැවැත්වෙන කෝවිඩ් 19 පිළිබඳ නව සෞඛ්‍ය මාර්ගෝපදේශ අනුව පළාත් සීමා මායිම් තරණය කිරීමට අවසර දෙනු ලබන අත්‍යාවශ්‍ය සේවා අංශ වන්නේ සෞඛ්‍ය සේවා, පොලිසිය සහ ත්‍රිවිධ හමුදාව,රාජ්‍ය අංශයේ නිලධාරීන්, අත්‍යාවශ්‍ය නිල චාරිකා සඳහා,අත්‍යවශ්‍ය භාණ්ඩ බෙදාහරින්නන්,උපයෝගිතා සේවා වැනි අත්‍යාවශ්‍ය සේවා සපයන්නන්,සමීපත ම පවුලේ සාමාජිකයෙකුගේ මරණයක් සඳහා ගමන් කරන්නන් (සාක්ෂි අවශ්‍යයි),වරායන් වෙත භාණ්ඩප්‍රවාහනය සහ ගුවන් තොට වෙත ගමන් කරන්නන් (සාක්ෂි අවශ්‍යයි) යන අයට යි.

මීට අමතර ව හුදකලා කරන ලද ප්‍රදේශවල වෙසෙන අත්‍යාවශ්‍ය සේවා සේවකයින් සුවිශේෂී අවස්ථාවන්හි දී හැර භෞතික ව සේවයට වාර්තා කිරීම දැඩි ලෙස අධෛර්යමත් කරන ලෙසත් මෙම නිවේදනයේ වැඩිදුරටත් සඳහන්.