පාර්ලිමේන්තු කටයුතුවල සංශෝධනයක්

පාර්ලිමේන්තු කටයුතු පිළිබඳ කාරක සභාව පෙබරවාරි 6 වැනි සිකුරාදා පැවැත්වීමට නියමිත පාර්ලිමේන්තු කටයුතුවල සංශෝධනයක් සිදු කිරීමට තීරණය කර තිබේ.

පාර්ලිමේන්තු මහ ලේකම් කුෂානි රෝහණදීර මහත්මිය නිකුත් කළ නිවේදනයකින් මේ බව සඳහන් කර ඇත.

ඒ අනුව, අංක 2473/14 දරණ අතිවිශේෂ ගැසට් පත්‍රයේ පළ වූ මහජන ආරක්ෂක ආඥාපනත යටතේ නිකුත් කළ ප්‍රකාශනය ඇතුළත් යෝජනා සම්මතය පෙබරවාරි 6 වැනිදා පෙරවරු 11.30 සිට සවස 5.30 දක්වා පාර්ලිමේන්තුවේදී විවාදයට ගැනීමට තීරණය වී තිබේ.

මම,අම්මා,තාත්තා,පවුම් අනූවේ මාලේ දාගෙන ඉන්න බල්ලා වුණත් ගෙනත් දෙන්නම් හැබැයි මේවට ගෙනල්ලා අපේ කට වල් වහන්න බෑ - නාමල්

මෙම තීරණය ගෙන ඇත්තේ කථානායක වෛද්‍ය ජගත් වික්‍රමරත්න මහතාගේ ප්‍රධානත්වයෙන් අද (03) පස්වරු 1.30ට පැවැති පාර්ලිමේන්තු කටයුතු පිළිබඳ කාරක සභා රැස්වීමේදීය.

ඒ අනුව, එදින විවාදයට ගැනීමට නියමිතව තිබූ පෞද්ගලික මන්ත්‍රී යෝජනා සහ සභාව කල් තැබීමේ යෝජනා වෙනත් දිනයකදී සැලසුම් කිරීමටද මෙහිදී තීරණය කර ඇත.

එසේම, 2026 ජනවාරි 28 දිනැති අංක 2473/13 දරණ අත්‍යවශ්‍ය මහජන සේවා පනත යටතේ නිකුත් කළ යෝජනා සම්මතය පෙබරවාරි 6 වැනිදා සවස 5.30ට කිසිදු විවාදයකින් තොරව අනුමත කර ගැනීමට කාරක සභාවේ එකඟතාවය පළ වී ඇති බවත් මහ ලේකම්වරිය සඳහන් කර ඇත.

රටම බලන් හිටිය නව විගණකාධිපතිනිය මෙන්න