ලංකාව හා චීනය එක්වෙන්න සූදානම් - දැඩි නීතියක් ගැන කොළඹ චීන තානාපති කාර්යාලයෙන් නිවේදනයක්

අන්තර්ජාල සූදුව, විදුලි සංදේශ වංචා සහ ඒ ආශ්‍රිත අපරාධවලට සම්බන්ධ කණ්ඩායම් වෙනත් රටවලින් ශ්‍රී ලංකාවට සංක්‍රමණය වීම වැළැක්වීම සඳහා පියවර ගෙන ඇත. ඒ අනුව, මෙය වැළැක්වීම සඳහා චීනය සහ ශ්‍රී ලංකාව අතර ඒකාබද්ධ නීති ක්‍රියාත්මක කිරීමේ කටයුතු තවදුරටත් ශක්තිමත් කර ඇති බව කොළඹ චීන තානාපති කාර්යාලය නිකුත් කළ නිවේදනයක දැක්වේ.

ශ්‍රී ලංකාවේ විදේශ කටයුතු, මුදල් සහ මහජන ආරක්ෂක අමාත්‍යාංශ ඇතුළු අදාළ ආයතන සමඟ සම්බන්ධීකරණය වැඩිදියුණු කර ඇති බව එම නිවේදනයේ සඳහන් වේ. ඊට අමතරව, දෙරටේ නීතිය ක්‍රියාත්මක කරන ආයතන අතර ප්‍රායෝගික සහයෝගීතාව ද වර්ධනය කර ඇත.

වාහන අපනයනකරුවන්ගේ සංගමයෙන් නිවේදනයක් - ණයවර ලිපි සඳහා මේ දේ අනිවාර්යයි

ශ්‍රී ලංකා බලධාරීන් විසින් සිදු කරන ලද වැටලීම් සහ විමර්ශන අතරතුර, නීති විරෝධී සූදු සහ වංචා ආයතන කිහිපයක් වටලා ඇති අතර සැකකරුවන් විශාල සංඛ්‍යාවක් අත්අඩංගුවට ගෙන ඇත.

සැකකරුවන් අතර විවිධ රටවල ජාතිකයන් ඇතුළත් වන අතර, වංචනික ක්‍රියාකාරකම්වලට සම්බන්ධ සමහර චීන ජාතිකයන් චීන බලධාරීන්ට භාර දී ඇත. දේශසීමා සූදු ක්‍රියාකාරකම් පිළිබඳ චීන රජයේ ස්ථාවරය දැඩි වන අතර, චීන ජාතිකයින්ට විදේශීය කැසිනෝ ක්‍රියාත්මක කිරීම හෝ ඒවායේ නිරත වීම තහනම් කර ඇත.

හදිසියේම රන්මිල වෙනස් වෙයි - හිතාගන්නවත් බැරි මිලකට රත්තරන් විකුණන්න පටන් අරන් - මෙන්න අද රන්මිල

ඊට අමතරව, එවැනි ක්‍රියාකාරකම් මුදල් විශුද්ධිකරණය, පැහැරගැනීම්, මිනිස් ජාවාරම සහ නීති විරෝධී දේශසීමා තරණය කිරීම ඇතුළු බරපතල අපරාධවලට හේතු විය හැක.

"චීනයට සහ ශ්‍රී ලංකාවට මෙම අපරාධ ජාල මැඩපැවැත්වීමට, සැකකරුවන් නීතිය හමුවට පමුණුවා ගැනීමට සහ ඔවුන්ගේ මූල්‍ය හා සංවිධානාත්මක ව්‍යුහයන් බිඳ දැමීමට එක්ව කටයුතු කළ හැකි අතර එමඟින් දෙරටේ ජනතාවගේ ජීවිත, දේපළ සහ නීත්‍යානුකූල අයිතිවාසිකම් ආරක්ෂා කළ හැකිය" යනුවෙන් එහි සඳහන් වේ.