පරණ රාමායණයේ සීතා චරිතයට පණ පෙවූ දීපිකා විසින් අලුත් සීතා ලෙස රඟන සායි පල්ලවි ගැන කියූ කතාව මෙන්න

1980 දශකයේ ජනප්‍රිය වූ Ramayan හි සීතා චරිතය රඟපෑ Dipika Chikhalia, අධ්‍යක්ෂ Nitesh Tiwariගේ නව Ramayana චිත්‍රපටයේ සීතා චරිතය සඳහා Sai Pallavi තෝරාගැනීම පිළිබඳ සිය අදහස් පළ කර තිබේ.

Variety India සමඟ පැවති සම්මුඛ සාකච්ඡාවකදී දීපිකා සඳහන් කර ඇත්තේ Sai Pallavi දක්ෂ රංගන ශිල්පිනියක් බවත්, නමුත් ඇය සීතා චරිතයට ගැළපෙන ආකාරය චිත්‍රපටය නැරඹීමෙන් පසු පමණක් තීරණය කළ හැකි බවත්ය.

සායි පල්ලවීගේ ගෙදර දැක්කොත් පුදුම වෙයි - සම්ප්‍රදායට සහ ස්වාභාවිකත්වයට දුන් ඉහළම වටිනාකම

ඇය සඳහන් කර ඇත්තේ තුල්සිදාස්ගේ Ramayan කෘතියේ සීතා චරිතය සඳහා නිශ්චිත ශාරීරික විස්තර ඇතුළත් බවයි.

රමණාන්ද සාගර්ගේ Ramayan නිර්මාණයේදී එම විස්තරවලට ගැළපෙන ආකාරයෙන් තමන් තෝරාගත් බවද ඇය පැවසුවාය. දීපිකා චිඛලියා වැඩිදුරටත් ප්‍රකාශ කර ඇත්තේ “සීතා දේවියට රැලි සහිත හිසකෙස් තිබූ බව Ramayan හි සඳහන් නොවන” බවයි.

එමෙන්ම නව චිත්‍රපටයේ රාවණ චරිතයට පෙනී සිටින Yash පිළිබඳවද ඇය අදහස් පළ කර තිබේ. ඔහු දක්ෂ රංගන ශිල්පියෙකු බව සඳහන් කළ ඇය, පැරණි රමණාන්ද සාගර්ගේ Ramayan සමඟ සැසඳීම් සිදුවීම ස්වාභාවික බව පැවසුවාය.

දීපිකා පවසන්නේ පැරණි Ramayan රූපවාහිනී මාලාව තවමත් ජනතාවගේ මතකයේ තදින් පවතින බැවින් නව නිර්මාණයට එය අභියෝගයක් වනු ඇති බවයි. කෙසේ වෙතත්, ඇය නව චිත්‍රපට කණ්ඩායමට සුබ පැතුම් එක් කරමින්, සියලුම රංගන ශිල්පීන් දක්ෂයන් බවත්, චිත්‍රපටය ප්‍රේක්ෂකයන් අතර අවධානය දිනාගනු ඇතැයි විශ්වාස කරන බවත් සඳහන් කර ඇත.

Nitesh Tiwariගේ Ramayana චිත්‍රපටයේ Ranbir Kapoor රාම ලෙසත්, Sai Pallavi සීතා ලෙසත්, Yash රාවණ ලෙසත් රංගනයෙන් දායක වේ. චිත්‍රපටය කොටස් දෙකකින් නිකුත් කිරීමට නියමිත අතර, පළමු කොටස මෙවර දීපාවලි සමයේ සහ දෙවන කොටස ලබන වසරේ දීපාවලි සමයේ නිකුත් කිරීමට සැලසුම් කර ඇත.

විජයගේ ‘ජන නායකන්’ චිත්‍රපටයෙන් තම දර්ශනය ඉවත් කළ බව කියමින් දෙමළ නිළිය කඳුළු සලයි