මන්ත්‍රී හර්ෂගෙන් ආණ්ඩුවට ඉල්ලීමක්
Hashini
පාර්ලිමේන්තු මන්ත්‍රී හර්ෂ ද සිල්වා ආණ්ඩුවෙන් ඉල්ලා සිටින්නේ තත්ත්වය සමථයකට පත් වන තෙක් අපනයනකරුවන් සඳහා SVAT ඉවත් කිරීම පිලිබඳ ලබන සතියේ ඉදිරිපත් කිරීමට නියමිත සංශෝධනය හදිසි සහනයක් ලෙස අත්හිටුවන ලෙසයි.
එක්සත් ජනපද ජනාධිපති ඩොනල්ඩ් ට්‍රම්ප් විසින් ශ්‍රී ලංකාව වෙත පනවන ලද තීරුබදු සම්බන්ධයෙන් අදහස් දක්වමින් මන්ත්‍රීවරයා සිය X හි සටහනක් තබමින් මේ බව කියා තිබුණා.
උද්ගතව ඇති තත්ත්වය යටතේ තම සහය ලබා ගැනීමට ජනාධිපතිවරයා කැමති නම්, නව තීරු බදු සම්බන්ධයෙන් ඉදිරි මාවතක් සොයා ගැනීමට උදව් කිරීමට තම කැමති බවද ඔහු තම X සටහනේ දක්වා තිබෙනවා.
'' මෙම අර්බුදය ජාතිකයි.ප්‍රතිඵලය විශාල විය හැකිය. මගේ ස්ථාවරය සැමවිටම වුයේ ශ්‍රී ලංකාව ( තීරු බදු ) බිත්ති කඩා (වෙළඳ) පාලම ගොඩනගා ගත යුතු බව'' ද ඔහු තම සටහනේ වැඩිදුරටත් දල්ක්වා තිබෙනවා.
එසේම '' ශ්‍රී ලංකාව වැනි රටවල් ප්‍රධාන වෙළඳ හා ආයෝජන ප්‍රතිසංස්කරණ සිදු නොකරන්නේනම් අපට කලාපය සමග ඒකාබද්ධ වීමට නොහැකි වනු ඇති මම ඊයේ BIMSTEC සංවාදයේදී තර්ක කළා. භාණ්ඩ හා සේවා ලිබරල්කරණය කිරීමට අප කැප නොවන්නේ නම් RCEP අප සිහිනය පමණක් බව මම සැමවිටම තර්ක කර තිබෙනවා'' යනුවෙන් ද මන්ත්‍රීවරයා දක්වා තිබෙනවා.
