ස්ථාන දෙකකදී මුහුදේ දිය නෑමට ගිය සරසවි සිසුවෙක් ඇතුළු දෙදෙනෙකුට දිවි අහිමි වෙයි

ස්ථාන දෙකකදී දියේ ගිලීමෙන් පුද්ගලයින් දෙදෙනෙකු ජීවිතක්ෂයට පත්වූ බව පොලීසිය සදහන් කර තිබේ .

පොලීසිය පැවසුවේ මෙම අනතුරු බෙන්තොට සහ කන්කසන්තුරය පොලිස් වසම් තුළින් ඊයේ (19) දිනයේදී වාර්තා වූ බවයි.

ඒ අනුව ඊයේ උදෑසන බෙන්තොට පොලිස් වසමේ බෙන්තොට මුහුදු තීරයේ දිය නාමින් සිටි පුද්ගලයෙකු දියේ ගිලී ජීවිතක්ෂයට පත්ව ඇති බව බෙන්තොට පොලිස් ස්ථානයට ලද පණිවිඩයක් මත විමර්ශන ආරම්භ කර කර ඇත.

එහිදී අනාවරණය වී ඇත්තේ මරණකරු අවුරුදු 25ක් වූ චුන්නාගම්, යාපනය ප්‍රදේශයේ පදිංචිකරුවෙකු වන බවයි.

මරණකරු මොරටුව විශ්වවිද්‍යාලයේ සිසුවෙකු වන බව සදහන් වේ.

ඔහු තවත් සිසුන් පිරිසක් සමග දිය නාමින් සිටියදී මෙලෙස අනතුරට ලක්ව ඇති බවට දැනට සිදුකරන විමර්ශනයේදී අනාවරණය වී ඇත.

මේ අතර කන්කසන්තුරය පොලිස් වසමේ කීරිමලෛ මුහුදු තීරයේ දිය නාමින් සිටි පුද්ගලයෙකුද ඊයේ දියේ ගිලී ජීවිතක්ෂයට පත්ව ඇත .

ස්මාර්ට් ෆෝන් එකට හැමදේම යට වෙයිද? ගුවන් විදුලිය සහ ස්ථාවර දුරකථන අභාවයට යන හැටි

මෙලෙස ජීවිතක්ෂයට පත්ව ඇත්තේ අවුරුදු 42ක් වූ තෙලිප්පලේ ප්‍රදේශයේ පදිංචිකරුවෙක් වේ.

පොලීසිය සඳහන් කළේ මරණකරු තවත් පුද්ගලයෙකු සමග දිය නාමින් සිටියදී මෙම අනතුරට මුහුණ දී ඇති බවට දැනට සිදුකරනු ලැබූ විමර්ශනයේදී අනාවරණය වූ බවයි.

මෙම අනතුරු සම්බන්ධව බෙන්තොට සහ කන්කසන්තුරය පොලීසිය විසින් වැඩිදුර විමර්ශන සිදුකරනු ලබයි.