කටුනායක ජාත්‍යන්තර ගුවන්තොටුපොළ නෙදර්ලන්ත සමාගමකටද...?

කටුනායක බණ්ඩාරනායක ජාත්‍යන්තර ගුවන්තොටුපොළ නවීකරණය සඳහා නව ප්‍රධාන සැලැස්මක් සකස් කිරීමේ උපදේශක කොන්ත්‍රාත්තුව නෙදර්ලන්තයේ එයාර් පෝට් කන්සල්ටන්ස් ලෙස ක්‍රියාත්මක වන හැස්කොනිං DHV නෙදර්ලන්ත B.V. සමාගමට ප්‍රදානය කිරීමට අමාත්‍ය මණ්ඩලය අනුමැතිය ලබා දී ඇති බව වාර්තා වේ.

ජනපති අනුර කුමාර ජර්මනියට ළගා වේ

මෙම තීරණය ගැනීමට පෙර ජාත්‍යන්තර තරගකාරී ලංසු කැඳවීමේ ක්‍රමවේදය අනුගමනය කරමින් යෝජනා කැඳවා තිබුණ බවද සදහන් වේ. කෙසේ වෙතත්, පළමුව තෝරාගත් සමාගම ගිවිසුම්ගත කොන්දේසි අනුව කටයුතු නොකිරීම හේතුවෙන් අමාත්‍ය මණ්ඩලයේ අනුමැතිය මත එම කොන්ත්‍රාත්තුව අවලංගු කිරීමට සිදු වී ඇත.

ඉන් අනතුරුව, සීමා සහිත ගුවන්තොටුපොළ සහ ගුවන් සේවා (ශ්‍රී ලංකා) (පුද්ගලික) සමාගම විසින් ප්‍රසම්පාදන ක්‍රියාවලිය නැවත ආරම්භ කරන ලදී. මෙම නව ප්‍රසම්පාදනයට නෙදර්ලන්තයේ හැස්කොනිං DHV නෙදර්ලන්ත B.V. සමාගම පමණක් තනි යෝජනාවක් ඉදිරිපත් කර ඇත. අමාත්‍ය මණ්ඩලය විසින් පත් කරන ලද උපදේශක ප්‍රසම්පාදන කමිටුව එම යෝජනාව සවිස්තරාත්මකව ඇගයීමට ලක් කිරීමෙන් අනතුරුව, එම සමාගමට කොන්ත්‍රාත්තුව පිරිනැමීම නිර්දේශ කර ඇති බව තොරතුරු වාර්තා වේ.

ඉහළ ගිය විදුලි බිල එක්ක ඒකකය මිල වෙනස් වෙන්නේ මෙහෙමයි..

ප්‍රවාහන, මහා මාර්ග, වරාය සහ සිවිල් ගුවන් සේවා අමාත්‍යවරයා විසින් ඉදිරිපත් කරන ලද මෙම යෝජනාව අමාත්‍ය මණ්ඩලය විසින් අනුමත කරන ලදී. බණ්ඩාරනායක ජාත්‍යන්තර ගුවන්තොටුපොළ සඳහා නව ප්‍රධාන සැලැස්මක් සකස් කිරීම රටේ ගුවන් ප්‍රවාහන යටිතල පහසුකම් වැඩිදියුණු කිරීමේ ප්‍රධාන පියවරක් ලෙස සැලකෙන අතර, මෙම උපදේශක සමාගම තෝරා ගැනීමේදී නිසි ප්‍රසම්පාදන ක්‍රියාවලිය අනුගමනය කර ඇති බව රජය අවධාරණය කරයි.