මංගල සමරවීර මහතාගේ අවසන් කටයුතු සිදු වෙන හැටි මෙන්න (VIDEO)

කොවිඩ් 19 වෛරසය ආසාදනය වීමෙන් රෝහල් ගතව ප්‍රතිකාර ලබමින් සිටි හිටපු මුදල් අමාත්‍ය මංගල සමරවීර මහතා අභාවප්‍රාප්ත වී තිබෙනවා. ඔහු මියයන විට 65 හැවිරිදි වියේ පසුවිය.

ඔහු කොළඹ පෞද්ගලික රෝහලක දැඩි සත්කාර ඒකකයේ ප්‍රතිකාර ලබමින් සිටියදී මෙලෙස අභාවප්ප්‍රාප්ත වී ඇති බවයි වාර්තා වන්නේ. රෝහල්ට ඇතුළත් කරන අවස්තාවේ ඉතා ම අසාධ්‍ය තත්ත්වයේ පසු වූ හිටපු අමාත්‍යවරයා ප්‍රතිකාර ලබාදීමෙන් අනතුරු ව ක්‍රමයෙන් යහපත් අතට හැරුණු බවයි වෛද්‍ය ප්‍රියංකර ජයවර්ධන අප කළ විමසීමක දී කියා සිටියේ.

ක්‍රමයෙන් සුව අතට හැරෙමින් සිටි මංගල සමරවීර මහතාට ඊයේ දිනයේදීත් හෘදයාබාධයක් ඇති වූ බවත් එම තත්ත්වය කළමනාකරණය කර ගැනීමට රෝහල් කාර්ය මණ්ඩලය සහ තමන් කටයුතු කළ බවත් ඔහු වැඩි දුරටත් කියා සිටියා. කෙසේ වෙතත්  ඇති වූ හෘදයාබාධයක් හේතුවෙන් හිටපු අමාත්‍යවරයා සිය දිවි ගමනට සමු දුන්නා.

කොවිඩ් -19 හේතුවෙන් අද පෙරවරුවේ අභාවප්‍රාප්ත වූ හිටපු විදේශ අමාත්‍ය මංගල සමරවීරගේ අවසන් කටයුතු අද කොළඹදී පැවැත්විණි.

අවමංගල්‍ය උත්සවයේ විඩියෝව විපක්ෂයේ පාර්ලිමේන්තු මන්ත්‍රී හර්ෂ ද සිල්වා විසින් පළ කර තිබුණි.