ලංකාවම ආයෙත් තිගැස්සූ මහර බන්ධනාගාරයේ රෑ පුරා සිදුවූ දේ සම්පූර්ණ විස්තරය මෙන්න

 ලංකාවම ආයෙමත් භීතියට පත් කරමින් මහර බන්ධනාගාරයේ ඊයේ (01) පස්වරුවේ හටගත් නොසන්සුන්තාව අද (02) උදෑසන 6.00 පමණ වනවිට සම්පූර්ණයෙන් පාලනය කිරීමට ආරක්ෂක අංශ සාමාජිකයින්ට හැකියාව ලැබී ඇත .

මෙලෙස මහර හටගත් නොසන්සුන්කාරී තත්ත්වයෙන් එක් රැඳවියෙක් මියගොස් තවත් රැඳවියන් හය දෙනෙකු තුවාල ලබා ඇති බව වාර්තා විය.

 මෙම නොසන්සුන්කාරී තත්ත්වය ඇති වීමට හේතුව සොයා විමර්ශනයක් ආරම්භ කර තිබේ .

බන්ධනාගාර දෙපාර්තමේන්තුවේ මාධ්‍ය ප්‍රකාශක ඒ.සී. ගජනායක මහතා පැවසුවේ රැඳවියන් එහි දේපොළ රැසක් විනාශ කර තිබෙන බවයි

ඒ අනුව බන්ධනාගාරයේ මුළුතැන්ගෙය, පුනරුත්ථාපන ගොඩනැගිල්ල සහ කාර්යාලය, ප්‍රධාන ජේලර් කාර්යලය සහ බන්ධනාගාර රෝහල විනාශ වී ඇති බවත් ඔහු සදහන් කර තිබේ.

   රැඳවියන්ගේ සුවදුක් විමසීමට ඔවුන්ගේ ඥාතීන් පැමිණෙන අවස්ථාවේදී තවත් රැඳවියන් පිරිසක් බන්ධනාගාරයෙන් පිටතට ගල්මුල් විසිකිරීමත් සමග මෙම නොසන්සුන්තාව හට ගන ඇත.

මහර බන්ධනාගාරයේ ඉදිකෙරෙමින් පවතින තාවකාලික තාප්පයක් බිඳ රැඳවියන් පිරිසක් පලායාමට එහිදී උත්සාහ දැරූ බවටත් සදහන් වේ.

   ඒ වගේම තවත් රැඳවියන් පිරිසක් බන්ධනාගාර ගොඩනැගිල්ලකට ගිනිතබා ඇත ඒ සමග ඇති වූ තත්ත්වය පාලනය කිරීමට බන්ධනාගාරයේ පිවිසුම් දොරටුව අසල සිටි බන්ධනාගාර නිලධාරීන් වෙඩිතබා ඇති බව සදහන් වේ .

මෙහිදී නොසන්සුන්කාරී තත්ත්වය ඇති කළ රැඳවියන්, ඔවුන්ට සහාය නොවූ සෙසු රැඳවියන් පිරිසකට පහරදී තුවාල සිදුකර තිබේ. එහිදී තුවාල ලැබූ රැඳවියන් 6දෙනෙකු ප්‍රතිකාර සඳහා රාගම ශික්ෂණ රෝහලට ඇතුළත් කරන ලදි.

කෙසේවෙතත් ඒ අතර සිටි එක් රැඳවියෙක් පසුව ජීවිතක්ෂයට පත්ව තිබේ මෙලෙස ජීවිතක්ෂයට පත්ව තිබුණේ වත්තල හැඳල ප්‍රදේශයේ පදිංචිව සිටි 33 හැවිරිදි අයෙක් බව සදහන් වේ .

මහර බන්ධනාගාරයෙන් හදිසි තීරණයක් - රැඳවියන් 20ක් බූස්සට මාරු කරයි

ඔහු යතුරුපැදියක් සොරකම් කිරීම සහ අයිස් මත්ද්‍රව්‍ය ග්‍රෑම් 20ක් ළඟ තබාගැනීමේ චෝදනාව සම්බන්ධයෙන් රක්ෂිත බන්ධනාගාර ගත කර සිටියදී මෙම සිද්ධියට මුහුණ දී ඇති බව වාර්තා විය.

ඒ වගේම මහර බන්ධනාගාරයේ නොසන්සුන්කාරී තත්ත්වය සම්බන්ධයෙන් දැනගත් රැඳවියන්ගේ ඥාතීන් මහර බන්ධනාගාරය ඉදිරිපිටට ඊයේ පස්වරුවේ බොහෝ පිරිසක් ඒකරාශී විය .

මෙම තත්වය පාලනය කිරීම සදහා බන්ධනාගාරයේ හා ප්‍රදේශයේ ආරක්ෂාවට පොලිසිය, කැරලි මර්දන සාමාජිකයින්, යුද හා නාවික හමුදා මෙන්ම STF සාමාජිකයින්ද එහි කැඳවනු ලැබීය.

තවද වෙඩි හඬට සමාන හඬ බන්ධනාගාර පරිශ්‍රයෙන් ඇසෙන්නට වීමත් සමඟ කුපිත වූ රැඳවියන්ගේ ඥාතීන් මාර්ග බාධක බිඳහෙලමින් ඉදිරියට යෑමට උත්සාහ කර තිබෙන බවත් වාර්තා වේ

නමුත් එම උත්සාහය පොලිස් විශේෂ කාර්යය බලකා සාමාජිකයින් ව්‍යර්ථ කළ අතර පසුව රැඳවියන්ගේ ඥාතීන් බන්ධනාගාරය දෙසට ගල්මුල් ප්‍රහාරයක්ද එල්ල කර ඇත ඒ අතර ගුවන් හමුදාව පියවර ගත්තේ බන්ධනාගාරය තුළ තත්ත්වය ගුවනින් නිරීක්ෂණය කිරීම සඳහා ඩ්‍රෝන යානයක් සහ බෙල් 412 වර්ගයේ යානයක්ද යෙදවීමටයි .

ඉන් අනතරුව පසුව පොලිස් නිලධාරියෙක් පැමිණ රැඳවියන්ගේ ඥාතීන්ට කරුණු පැහැදිලි කරදීමෙන් පසු පිරිස බන්ධනාගාරය ඉදිරිපිටින් ඉවත් කිරීමට පියවර ගැනුණි. නමුත් එම අවස්ථාවේදීත් එහි නොසන්සුන් තත්ත්වයක් හට ගැනුණි.

දවස් හතරක් එක දිගට කෑම ලෝකෙක තනි වෙන්න ආසද? Reecha Food Festival කෑම පිස්සෙක්ට කියාපු දවසක් මෙන්න

විරෝධය මධ්‍යයේ එම පිරිස ඒ ආසන්න මාර්ගයක් වෙත යොමු කෙරුණු අතර ප්‍රදේශයේ සාමය ආරක්ෂා කරගැනීමේ අරමුණින් වහාම ක්‍රියාත්මක වන පරිදි නැවත දැනුම්දෙන තුරු රාගම පොලිස් බල ප්‍රදේශයට අයත් මහර බන්ධනාගාරය අවට ග්‍රාම සේවා වසම් 03ක් සඳහා ඊයේ රාත්‍රියේ සිට පොලිස් ඇඳිරි නීතිය පැනවීමට කටයුතු කළේය

. ඒ , 246 කැන්දලියද්ද පාළුව බටහිර, 246 සී කැන්දලියද්ද පාළුව උතුර සහ 181 ජී දඹුව යන ග්‍රාම සේවා වසම් සඳහාය.

කෙසේවෙතත් පවතින තත්ත්වය පාලනය කර ඇති බැවින්, අදාළ ප්‍රදේශ සඳහා පනවා තිබූ පොලිස් ඇඳිරි නීතිය මීට සුළු වේලාවකට පෙර ඉවත් කිරීමට පොලීසිය පියවර ගන තිබේ   .