හෙට අලුයම 1.00 දක්වා බලපැවැත්වෙන පරිදි කාලගුණ විද්‍යා දෙපාර්තමේන්තුවෙන් විශේෂ නිවේදනයක්

ප්‍රබල අකුණු පිළිබඳව අවවාදාත්මක නිවේදනයක් කාලගුණවිද්‍යා දෙපාර්තමේන්තුව විසින් නිකුත් කර ඇත අද පෙරවරු 11.00ට නිකුත් කර ඇති මෙම නිවේදනය හෙට (06) අලුයම 1.00 දක්වා වලංගු වන බව එම දෙපාර්තමේන්තුව ප්‍රකාශ කර තිබේ .

ඒ අනුව වයඹ, මධ්‍යම, සබරගමුව, ඌව, බස්නාහිර, දකුණ සහ උතුරු මැද පළාත්වල මෙන්ම මන්නාරම දිස්ත්‍රික්කයේ සවස් කාලයේදී හෝ රාත්‍රී කාලයේදී තැනින් තැන ගිගුරුම් සහිත වැසි සමඟ ප්‍රබල අකුණු ඇතිවීමේ වැඩි හැකියාවක් පවතින බව කාලගුණවිද්‍යා දෙපාර්තමේන්තුව විසින් සදහන් කර   

ගිගුරුම් සහිත වැසි ඇතිවන අවස්ථාවලදී අදාළ ප්‍රදේශවල තාවකාලිකව තද සුළං ද ඇතිවිය හැකි බව එම දෙපාර්තමේන්තුව තව දුරටත් ප්‍රකාශ කරයි .

මේ හේතුවෙන් අකුණු හේතුවෙන් සිදුවිය හැකි අනතුරු අවම කර ගැනීම සඳහා අවශ්‍ය ආරක්ෂිත පියවර ගන්නා ලෙස ජනතාවගෙන් කාරුණිකව ඉල්ලා සිටියි  

යුද බිය මැද වුවද ලෝක වෙළෙඳපොළේ තෙල් මිල පහළට - G7 රටවලින් ගත් තීරණය මෙන්න

අද දහවල් 1න් පසු - මේ පැති සඳහා විශේෂ අවදානයක් - ජනතාව දැනුවත්වෙන්න