ලාංකිකයන්ට සුභම සුභ ආරංචියක් - සීනි,පිටි, සහල් ඇතුළු භාණ්ඩ රැසක මිල පහතට

පාරිභෝගිකයින්ට සහනයක් සැලසීම සඳහා, දිවයින පුරා පිහිටි සියලුම ලංකා සතොස අලෙවිසැල්වල අත්‍යවශ්‍ය පාරිභෝගික භාණ්ඩ වර්ග හයක මිල ගණන් අද (26) සිට අඩු කර තිබේ.

ලංකා සතොස අලෙවි කළමනාකරු ඉෂාන් ගොඩමන්නේ මහතා විසින් මෙම මිල අඩු කිරීම පිළිබඳ තොරතුරු අනාවරණය කරන ලදී. ඒ අනුව, ලොකු ළූණු කිලෝග්‍රෑමයක මිල රුපියල් 10කින් අඩු කර රුපියල් 309ක් දක්වාත්, සුදු සීනි කිලෝග්‍රෑමයක මිල රුපියල් 4කින් අඩු කර රුපියල් 245ක් දක්වාත් අඩු කර ඇත.

රියදුරු බලපත්‍ර අපේක්ෂාවෙන් ඉන්න අයට විශේෂ නිවේදනයක් - අද සිට විශේෂ ක්‍රමවේදයක් ඔස්සේ ආරම්භයි

රතු පරිප්පු කිලෝග්‍රෑමයක මිල රුපියල් 2කින් අඩු කර රුපියල් 242ක් දක්වා අඩු කර තිබේ. තිරිඟු පිටි මිල රුපියල් 5කින් අඩු කර රුපියල් 174ක් දක්වා අඩු කර ඇත.

රතු සහල් කිලෝග්‍රෑමයක මිල රුපියල් 1කින් අඩු කර රුපියල් 173ක් දක්වා අඩු කර තිබේ. සුදු සහල් සහ සම්බා සහල් මිල රුපියල් 5කින් අඩු කර රුපියල් 174ක මිලකට අලෙවි කෙරේ.

වකුගඩු රෝහලේ පිපිරීමක් - පුද්ගලයින් 7ක් රෝහලට ඇතුල් කෙරේ

පාරිභෝගිකයින්ට සහනයක් සැලසීමට අමතරව, දරිද්‍රතාවය පිටුදැකීමට සහාය වීමේ ජාතික අරමුණේ කොටසක් ලෙස මෙම මිල අඩු කිරීම ක්‍රියාත්මක කර ඇති බව ලංකා සතොස පවසයි. මහජනතාවට මෙම අත්‍යවශ්‍ය භාණ්ඩ වර්ග හය නව මිල ගණන් යටතේ දිවයින පුරා පිහිටි සියලුම ලංකා සතොස ශාඛා මගින් ලබා ගත හැකිය.