ජනතාවට දෙවන මට්ටමේ අනතුරු ඇඟවීම් නිකුත් කෙරේ - වහාම දැනුවත් වෙන්න

දිවයිනේ ප්‍රදේශ කිහිපයකට ඇද හැලෙන තද වැසි හේතුවෙන් බදුල්ල දිස්ත්‍රික්කයේ පස්සර ප්‍රාදේශීය ලේකම් කොට්ඨාසය සඳහා දෙවන මට්ටමේ නායයෑමේ පූර්ව අනතුරු ඇඟවීම් නිකුත් කිරීමට ජාතික ගොඩනැගිලි පර්යේෂණ සංවිධානය පියවර ගෙන ඇත. මෙම අනතුරු ඇඟවීම අද (11) පස්වරු 4:00 සිට හෙට (12) පස්වරු 4:00 දක්වා බලපැවැත්වෙනු ඇත.

මීට අමතරව, දිස්ත්‍රික්ක 6ක ප්‍රාදේශීය ලේකම් කොට්ඨාස කිහිපයක් සඳහා පළමුවන මට්ටමේ හෙවත් 'විමසිලිමත් වන්න' යනුවෙන් නායයෑමේ පූර්ව අනතුරු ඇඟවීම් නිකුත් කර තිබේ.

අඩු පීඩන කලාපයේ වර්ධනයත් සමඟම ප්‍රා.ලේකම් කොට්ඨාශ අටකට නාය රතු එළි

පළමුවන මට්ටමේ අනතුරු ඇඟවීම් නිකුත් කර ඇති ප්‍රදේශ,

බදුල්ල දිස්ත්‍රික්කය - බණ්ඩාරවෙල ප්‍රාදේශීය ලේකම් කොට්ඨාසය.

කළුතර දිස්ත්‍රික්කය - වලල්ලාවිට ප්‍රාදේශීය ලේකම් කොට්ඨාසය.

කුරුණෑගල දිස්ත්‍රික්කය - රිදීගම ප්‍රාදේශීය ලේකම් කොට්ඨාසය.

මාතලේ දිස්ත්‍රික්කය - රත්තොට, අඹන්ගඟ කෝරළය සහ නාවුල ප්‍රාදේශීය ලේකම් කොට්ඨාස.

මොනරාගල දිස්ත්‍රික්කය - වැල්ලවාය සහ බඩල්කුඹුර ප්‍රාදේශීය ලේකම් කොට්ඨාස.

රත්නපුර දිස්ත්‍රික්කය - රත්නපුර සහ කලවාන ප්‍රාදේශීය ලේකම් කොට්ඨාස.

නායයෑමේ ලක්ෂණ (පොළොවේ පිපිරුම් ඇතිවීම, ගස් හා විදුලි කණු ඇලවීම, හදිසියේ උල්පත් හටගැනීම වැනි) නිරීක්ෂණය වන්නේ නම් වහාම එම ප්‍රදේශවලින් ඉවත් වීමට පියවර ගන්නා ලෙස බලධාරීන් ජනතාවගෙන් ඉල්ලා සිටී.

ජනතාවට අනතුරු ඇගවීම් - හෙට සිට ලබන 20 දක්වා රටම අවදානමක - හදිසි ඇමතුම් අංකයක් ලබාදෙයි