දිස්ත්‍රික්ක 5කට නායයෑම් අනතුරු ඇඟවීම් නිකුත් කෙරේ

ජාතික ගොඩනැඟිලි පර්යේෂණ සංවිධානය විසින් මහනුවර සහ නුවරඑලිය දිස්ත්‍රික්ක සඳහා 3 වන මට්ටමේ (රතු) නායයෑම් පූර්ව අනතුරු ඇඟවීම් නිකුත් කර තිබේ.

එමෙන්ම බදුල්ල, කුරුණෑගල සහ මාතලේ දිස්ත්‍රික්ක සඳහා 2 වන මට්ටමේ (ඇම්බර්) අනතුරු ඇඟවීම්ද නිකුත් කර ඇත.

මෙම අනතුරු ඇඟවීම් හෙට (21) පෙරවරු 8.00 දක්වා බලපැවැත්වෙන බව ජාතික ගොඩනැඟිලි පර්යේෂණ සංවිධානය නිවේදනය කරයි.

මනම්පිටිය තවදුරටත් සුළු ගංවතුර මට්ටමේ

මේ අතර, ගතවූ පැය 48 තුළ මහනුවර උඩදුම්බර ප්‍රදේශයට මිලිමීටර් 300කට අධික වර්ෂාපතනයක් ලැබීමත් සමඟ නායයෑම් කිහිපයක් වාර්තා වී ඇති බව සංවිධානය පවසයි.

සංවිධානයේ ජ්‍යෙෂ්ඨ භූ විද්‍යාඥ වසන්ත සේනාධීර මහතා පැවසුවේ, උඩදුම්බර සහ දෙනපිටිය ප්‍රදේශවල නායයෑම් සිදුව ඇති අතර, ඒවායින් නිවාස කිහිපයකට හානි සිදුවී ඇති බවයි. අදාළ නිවාසවල පුද්ගලයන් කඩිනමින් ආරක්ෂිත ස්ථානවලට ඉවත් කර ඇති බවද ඔහු සඳහන් කළේය.

ජනතාවට නායයෑම් අවදානම් සහිත ප්‍රදේශවලින් ඉවත්ව සිටින ලෙසත්, අනතුරු ඇඟවීම්වලට සවන් දෙන ලෙසත් ජාතික ගොඩනැඟිලි පර්යේෂණ සංවිධානය ඉල්ලා සිටියි.

ගල්ලෑල්ල සිට මීනම්පිටිය දක්වා යතුරුපැදි සහ ත්‍රීරෝද රථ ධාවනය තහනම්

ඔන්ඩන්සෙට්‍රෝන් ඖෂධය සම්බන්ධයෙන් හොයන්න විශේෂඥ කමිටුවක්