නායයෑම් අනතුරු ඇඟවීම් - නුවරඑළිය හා බදුල්ල දිස්ත්‍රික්කවල ඉන්න ජනතාවට විශේෂ දැනුම්දීමක්

ජාතික ගොඩනැගිලි පර්යේෂණ ආයතනය විසින් නුවරඑළිය හා බදුල්ල දිස්ත්‍රික්කවල සමහර ප්‍රදේශ සඳහා නිකුත් කර තිබූ නායයෑම් පූර්ව අනතුරු ඇඟවීම් යාවත්කාලීන කර ඇත.

ආයතනය ප්‍රකාශ කර ඇත්තේ මෙම අනතුරු ඇඟවීම් අද (21) පෙ.ව. 8.00 සිට හෙට (පෙබරවාරි 22) පෙ.ව. 8.00 දක්වා ක්‍රියාත්මක බවයි. පවතින වැසි සහිත කාලගුණ තත්ත්වය හේතුවෙන් මෙම අවදානම ඇතිවී ඇති බව සඳහන්ය.

‘අස්වැසුම’ දිනේ බාර් ආදායම ගොඩ - බාර් හිමියන් සතුටින් - රජයම කියයි

අවධානයෙන් සිටින ලෙස (Level 2 - Amber) නිකුත් කර ඇති ප්‍රදේශ:

නුවරඑළිය දිස්ත්‍රික්කයේ නිල්දණ්ඩාහින්න හා වලපනේ ප්‍රාදේශීය ලේකම් කොට්ඨාස

විමසිලිමත්ව සිටින ලෙස (Level 1 - Yellow) නිකුත් කර ඇති ප්‍රදේශ:

නුවරඑළිය දිස්ත්‍රික්කයේ මතුරට හා හඟුරක්කෙත ප්‍රාදේශීය ලේකම් කොට්ඨාස

බදුල්ල දිස්ත්‍රික්කයේ මීගහකිවුල හා කන්දෙකැටිය ප්‍රාදේශීය ලේකම් කොට්ඨාස

මෙම ප්‍රදේශවල ජනතාවට අවදානම් බෝල්ඩර්, බෝල්ඩර් ගල් බිඳවැටීම්, නායයෑම් ආදියට ලක්විය හැකි බැවින් තමන්ගේ නිවාස, ගම්මාන හා ගමන් මාර්ග ආසන්නයේ නායයෑම් ලක්ෂණ (පස් ගල් බිඳවැටීම්, පස් ගල් චලනය, ගස් වැටීම්, බිම් ඉරි ඇතිවීම් ආදිය) පිළිබඳ සැලකිලිමත් වීමට NBRO උපදෙස් දී ඇත.

එසේම, අවදානම් තත්ත්වයක් ඇතිවුවහොත් ආසන්නතම ආරක්ෂිත ස්ථානයකට ඉවත් වීමටත්, ජාතික ආපදා කළමනාකරණ මධ්‍යස්ථානය (DMC) හෝ NBRO හෝ ප්‍රාදේශීය බලධාරීන්ට දන්වා සිටීමටත් ජනතාවගෙන් ඉල්ලා තිබෙනවා.

අද දවසේ ඔබට සිදුවෙන්නෙ මොනවාද? රහස් ලග්න අනාවැකි මෙන්න!