ඉන්දියාව සින්දු මෙහෙයුම අරඹයි

ඊශ්‍රායලය සහ ඉරානය අතර පවතින යුද ගැටුම් සැලකිල්ලට ගනිමින්, ඊශ්‍රායලයෙන් පිටවීමට කැමති ඉන්දීය ජාතිකයින් ඉවත් කිරීමට ඉන්දීය රජය තීරණය කර තිබෙනවා.

ඒ වෙනුවෙන් ඉන්දියාව මෙහෙයුමක් ආරම්භ කර ඇති අතර එය නම් කර ඇත්තේ Operation Sindhu ලෙසයි.

ඉන්දීය මාධ්‍ය වාර්තා කරන්නේ එහිදී ඊශ්‍රායලයේ සිටින ඉන්දියානුවන්ට ගොඩබිම් දේශසීමා හරහා ඊශ්‍රායලයෙන් පිටවීමට හැකියාව පවතින අතර ඔවුන්ව ගුවන් මගින් නවදිල්ලිය වෙත රැගෙන ඒමට නියමිත බවයි.

ඩොලර් මිලියන 110 ක කිරි ගව ආනයනයට මහින්ද , මෛත්‍රී , රනිල් , බැසිල් සම්බන්ධයි

ඉන්දීය විදේශ අමාත්‍යංශය නිවේදනය කර ඇත්තේ ටෙල් අවිව්හි ඉන්දියානු තානාපති කාර්යාලය ඉන්දියානුවන් ඉවත් කිරීම සඳහා කටයුතු සම්පාදනය කරන බවයි.

ඉන්දියාවට පැමිණීමට අපේක්ෂා කරන සියලු ඉන්දියානුවන්ට ටෙල් අවිව්හි ඉන්දියානු තානාපති කාර්යාලයේ ලියාපදිංචි වන ලෙස දැනුම් දී තිබෙනවා.

විදෙස් මාධ්‍ය වාර්තා පවසන්නේ විදේශයන්හි සිටින ඉන්දියානු ජාතිකයින්ගේ ආරක්ෂාව වෙනුවෙන් ඉන්දීය රජය ඉහළම ප්‍රමුඛතාවය ලබා දෙන බව ද එම අමාත්‍යංශය පවසා ඇති බවයි. 

නිවාස ඇමති සජිත් – බිලියන 30ක ණය බෙදා, ප්‍රමුඛතාවය හම්බන්තොටට