වැස්ස මැද තියුණු සටනකින් ඉන්දියාවට ජය - පන්දු යවන්නන් පිටියේ රජ වෙයි!

නවසීලන්තය සමඟ පැවති දෙවැනි එක්දින ක්‍රිකට් තරගයෙන් ඩක්වර්ත් ලුවිස් න්‍යායට අනුව ලකුණු 4ක තියුණු ජයක් වාර්තා කිරීමට ඉන්දීය කණ්ඩායම සමත් වුණා.

ඒ අනුව තරග තුනකින් සමන්විත එක්දින තරගාවලිය තවත් තරගයක් ඉතිරිව තිබියදීම තරග 2-0ක් ලෙස ජය ගැනීමට ඉන්දියාව සමත්ව තිබෙනවා.

වර්ෂාව හේතුවෙන් පන්දුවාර 47කට සීමා වූ මෙම තරගයේ පළමුව පන්දුවට පහරදුන් ඉන්දීය පන්දු යවන්නන් හමුවේ නවසීලන්ත කණ්ඩායමට ලබාගත හැකි වූයේ සියලු දෙනා දැවී ලකුණු 134ක් පමණයි.

නවසීලන්ත ඉනිම වෙනුවෙන් ඩැරල් මිචෙල් ලකුණු 50ක් රැස් කළ අතර, ඉන්දීය පන්දු යැවීමේදී ගුර්නූර් බ්‍රාර් ලකුණු 30කට කඩුලු 4ක් දවාගනිමින් කැපී පෙනුණා.

ඔහු තරගයේ වීරයා සම්මානයද දිනාගත්තා. ලකුණු 135ක ඉලක්කයක් හඹා ගිය ඉන්දීය කණ්ඩායමට ද නවසීලන්ත පන්දු යවන්නන්ගෙන් දැඩි අභියෝගයක් එල්ල වුණා.

කේල් ජේමිසන් සහ ජේකබ් ඩෆී ඇතුළු නවසීලන්ත පන්දු යවන්නන්ගේ පන්දු හමුවේ ඉන්දීය පිතිකරුවන්ට පහසුවෙන් ලකුණු රැස් කිරීමට හැකි වූයේ නැහැ.

කෙසේ වෙතත්, වර්ෂාව හේතුවෙන් තරගය නතර කරන අවස්ථාව වන විට ඉන්දීය කණ්ඩායම පන්දුවාර 26ක් අවසානයේ කඩුලු 7ක් දැවී ලකුණු 113ක් ලබා සිටියා.

ඩක්වර්ත් ලුවිස් න්‍යායට අනුව එම අවස්ථාවේ ජයග්‍රහණය සඳහා අවශ්‍ය ලකුණු සංඛ්‍යාවට වඩා ඉන්දියාව ලකුණු 4ක් ඉදිරියෙන් සිටි බැවින් තරගයේ ජය ඉන්දියාවට හිමි වුණා. ඒ අනුව අඩු ලකුණු සංඛ්‍යාවකින් සමන්විත වූ මෙම තරගය අවසන් වූයේ ඉන්දියාවට ලකුණු 4ක තියුණු ජයක් හිමිකර දෙමින්.

IPL 2027ට පෙර ක්‍රිකට් පිටියේ ලොකු පෙරළියක් - ක්‍රීඩක මාරුවීම් අතර හර්දික් ගැනත් අලුත් ආරංචියක්

විරාත් කෝලි ග්ලෙන් ෆිලිප්ස්ට ජෝන් සීනාගේ සුප්‍රසිද්ධ සංඥාව පෙන්වයි - 'You Can't See Me' සමාජ මාධ්‍ය කළඹයි!