ලබන වසර මුලදී ජාත්‍යන්තර මූල්‍ය අරමුදලේ නියෝජිතයන් මෙරටට

දිට්වා සුළි කුණාටුවෙන් ඇති වූ ආර්ථික බලපෑම් සහ ප්‍රතිසංස්කරණ වැඩසටහනේ ඉදිරි පියවර සාකච්ඡා කිරීම සඳහා ජාත්‍යන්තර මූල්‍ය අරමුදලේ නියෝජිත කණ්ඩායමක් 2026 වසර මුලදී ශ්‍රී ලංකාවට පැමිණීමට නියමිතය.

මෙම සංචාරය විස්තීර්ණ අරමුදල් පහසුකමේ පස්වැනි සමාලෝචනය නැවත ආරම්භ කිරීම සඳහා වන අතර, කුණාටුවේ බලපෑම් සැලකිල්ලට ගෙන වැඩසටහනේ ඉලක්ක සංශෝධනය කිරීමට ද අවස්ථාව ලැබෙනු ඇත.

ආපදා අනතුරු ඇඟවීම් නොකළේ ඇයි? ශ්‍රේෂ්ඨාධිකරණයට මූලික අයිතිවාසිකම් පෙත්සමක්

පස්වැනි සමාලෝචනයේ කාර්ය මණ්ඩල මට්ටමේ එකඟතාවය මීට මාස කිහිපයකට පෙර ලබාගෙන තිබූ අතර, ජාත්‍යන්තර මූල්‍ය අරමුදලේ විධායක මණ්ඩල රැස්වීම දෙසැම්බර් 15 වැනිදා සඳහා නියමිතව තිබුණි. එහෙත්, කුණාටු ආපදාව හේතුවෙන් කඩිනම් මූල්‍ය පහසුකම ඉල්ලීමට ශ්‍රී ලංකාව තීරණය කිරීම නිසා එම රැස්වීම කල් දමනු ලැබීය.

ඒ අනුව, දෙසැම්බර් මසදී කුණාටු ආපදාව හේතුවෙන් කඩිනම් මූල්‍ය පහසුකම යටතේ ඩොලර් මිලියන 206ක (SDR 150.5 මිලියනක්) හදිසි මූල්‍ය සහායක් ජාත්‍යන්තර මූල්‍ය අරමුදලේ විසින් අනුමත කර ලබාදෙන ලදී. මෙය කුණාටුවෙන් ඇති වූ ගෙවීම් ශේෂයේ සහ රාජ්‍ය මූල්‍ය පීඩනයන් අවම කිරීමට උපකාරී වනු ඇත.

2026 මුලදී පැමිණෙන ජාත්‍යන්තර මූල්‍ය අරමුදලේ කණ්ඩායම සමඟ පැවැත්වෙන සාකච්ඡාවලදී විස්තීර්ණ අරමුදල් පහසුකමේ වැඩසටහනේ අරමුණු ආරක්ෂා කරගෙන ප්‍රතිසංස්කරණ ක්‍රියාවලිය ඉදිරියට ගෙන යාමට අවශ්‍ය තීරණ ගැනීමට නියමිතය.

අද රත්තරන් මිල ගණන් මෙන්න! මිලදී ගන්න කලින් බලන්න