බර තොගයක්.? - බස් එකක් ඇතුළෙන් මතු වූ දේ දැක්කද?
Wayomi
ශ්‍රී ලංකා නාවික හමුදාව, පොලිස් විශේෂ කාර්ය බලකාය හා එක්ව අද දින ඊයේ (05) පුත්තලම කරුවලගස්වැව ප්‍රදේශයේ සිදුකල ඒකාබද්ධ සෝදිසි මෙහෙයුමකදී බස් රථයක රැගෙන යමින් තිබූ විදේශීය දුම්වැටි දෙදහස් විස්සක තොගයක් සමඟ සැකකරුවෙකු නීතියේ රැහැනට හසුකර ගැනීමට සමත්ව තිබුනා.
ඒ අනුව, වයඹ නාවික විධානයේ ශ්‍රී ලංකා නාවික නෞකා තම්බපණ්ණි ආයතනය වෙත ලද තොරතුරකට අනුව, පුත්තලම පොලිස් විශේෂ කාර්ය බලකාය හා එක්ව කරුවලගස්වැව ප්‍රදේශයේ සිදුකරන ලද මෙම ඒකාබද්ධ සෝදිසි මෙහෙයුමේදී, වව්නියාව සිට පුත්තලම දක්වා ගමන් කරමින් තිබූ පෞද්ගලික බස් රථයක් පරීක්‍ෂාවට ලක්කෙරිණි.
එහිදී එම බස් රථයේ රැගෙන යමින් තිබූ විදේශීය දුම්වැටි දෙදහස් විස්සක තොගයක් සමඟ සැකකරුවෙකු මෙලෙස අත්අඩංගුවට ගනු ලැබුවා.
එම සැකකරු වයස අවුරුදු 54 ක් වන පුත්තලම ප්‍රදේශයේ පදිංචිකරුවකු බවට හඳුනාගෙන ඇති අතර එම සැකකරු සහ විදේශීය දුම්වැටි තොගය ඉදිරි නීතිමය කටයුතු සඳහා කරුවලගස්වැව පොලිස් ස්ථානය වෙත භාරදීමට කටයුතු කෙරිණි.
