පෙර වැරදි මතක නැත්තම් මම මතක් කරන්නම්, ජෝන්ස්ටන්ගේ හෝටලේට පහරදුන් විත්තිකරුවන්ට මහාධිකරණයෙන් අත්හිටවූ සිර දඬුවම්

අද(09) දින කොළඹ හිටපු නාගරික මන්ත්‍රී මොහොමඩ් අනාස් ඇතුළු විත්තිකරුවන් දස දෙනෙක්ට බරපතළ වැඩ සහිත අවුරුදු දෙක බැගින් වූ සිර දඬුවම් නියම කොට එය අත්හිටුවීමට කොළඹ මහාධිකරණ විනිසුරු ලංකා ජයරත්න මෙනවිය තීන්දු කකර තිබෙනවා.

ඒ 2022 වසරේ මැයි මස 09 වන දින ගාලු මුවදොර ගෝඨා ගෝ ගම අරගලයට පහර දීමෙන් පසු කොළඹ යූනියන් පෙදෙසේ පිහිටි හිටපු අමාත්‍ය ජෝන්ස්ටන් ප්‍රනාන්දු මහතාගේ සංචාරක හෝටලයකට පොලු මුගුරු රැගෙන කඩා වැදී එම ස්ථානයට අලාභ හානි කිරීම සහ නවතා තිබූ වාහන දෙකකට අලාභ හානි කිරීමේ චෝදනාවලට වරදකරුවන් වීමත් සමඟයි.

විද්‍යුත් ජාතික හැඳුනුම්පත් ගැන විශේෂ නිවේදනයක්

විනිසුරුවරිය ඉන් විත්තිකරුවන් නව දෙනෙක්ට රුපියල් 65,000 බැගින් වූ දඩ නියම කළ අතර අදාළ හෝටලයේ ලැප්ටොප් පරිගණකයක් පැහැරගැනීමේ සිද්ධියට සම්බන්ධ විත්තිකරුට රුපියල් 80,000ක දඩයක්ද නියම කල බව සඳහන්.

එසේම අද මෙම නඩුව කැඳවූ විට විත්තිකරුවන් සඳහා පෙනී සිටි නීතිඥවරුන් විසින් තම සේවා දායකයින් මෙම චෝදනාවලට මුල් අවස්ථාවේදීම වරද පිළිගැනීමට සූදානම් බවත් සිදු වූ අලාභය වෙනුවෙන් රුපියල් ලක්ෂය බැගින් වන්දි ගෙවීමට සූදානම් බවත් අධිකරණයට දන්වා ඇත.

ඒ අනුව රජයේ නීතිඥවරිය විත්තිකරුවන්ගේ යෝජනාවට අගතියට පත් පාර්ශවය එකඟතාවයක් පළ කරන්නේ නම් අඳාළ නඩුව අවසන් කිරීමට තමන්ගේ විරුද්ධත්වයක් නොමැති බව පවසා ඇත.

උඹට එච්චර පුළුවන් නම් මට කොච්චර පුළුවන්ද? තිසරගේ හිටපු බිරිඳ ගේම ඉල්ලන්න කරන්න යන දේ, නිෂිනි ඔයාට නම් දැන් රිදෙයි

ඒ සමඟ අගතියට පත් හිටපු අමාත්‍ය ජොන්ස්ටන් ප්‍රනාන්දු මහතා සඳහා පෙනී සිටි නීතිඥ නිරෝෂන් සිරිවර්ධන මහතා අධිකරණය හමුවේ සිද්ධිය වූ දින විත්තිකරුවන් තම සේවා දායකයාගේ හෝටලයට කඩා වැදී පෙට්‍රල් දමා එය ගිනි තැබීමට උත්සාහ කළ බවත් විදේශීය සංචාරකයින්ගේ මැදිහත්වීමෙන් එය වැළකුණු බවටත් කරුණු දැක්වීය.

එසේම තම සේවා දායිකාවගේ දියණිය කාමරයක් තුළ දමා ගිනි තැබීමට ඔවුන් උත්සාහ කර ඇති බවත් ඔහු වහලෙන් බැස ඇයව බේරාගෙන ඇති බවත් පැවසූ නීතිඥවරයා මෙම සිද්ධියෙන් ඔහුට රුපියල් මිලියන නවයක පමණ අලාභයක් සිදුවී ඇති බවත් කියා ඇත.

දරුවෙක් ලැබෙන්න ඉන්න අම්මෙක්ට මෙහෙමත් කියනවද? තිසර පෙරේරාගේ බිරිදට පළමු බිරිද කියන කතා

කෙසේ වෙතත් එම නීතිඥවරයා සඳහන් කළේ විත්තිකරුවන් ගෙවීමට පොරොන්දු වූ වන්දිය භාර ගැනීමට තම සේවාදායකයා අකමැති බවත් ඔවුන් වරද පිළිගෙන ඇති නිසා ඔවුන්ගෙන් කිසිදු වන්දියක් සිය සේවා දායකයා අපේක්ෂා නොකරන බවත් ය.

එමෙන්ම විත්තිකරුවන්ගේ පෙර වැරදි නොමැති නිසා ඔවුන්ට ලිහිල් දඬුවමක් නියම කරන මෙන්ද ඔවුන්ගේ නීතිඥවරයා අධිකරණයෙන් ඉල්ලා තිබෙන බව පවසයි.

එහිදී මෙම නඩුවේ දහවන විත්තිකරුට පෙර වැරදි නොමැති බවට ඔහු තම නීතිඥවරයාට උපදෙස් ලබා දී තිබුණේ නම් එය අසත්‍යයක් බව මහාධිකරණ විනිසුරුවරිය පවසා ඇත.

අද ලග්න පලාපල – 2025 ජූලි 09 | අද ලග්න පලාපලය කියන අමුතුම සීක්‍රට් එක මෙන්න

එසේම විත්තිකරුට තමන්ගේ පෙරවැරදි අමතක නම් ඔහුට මතක සිටින දඬුවමක් ලබාදීමට තම අධිකරණය සූදානම් බව මහාධිකරණ විනිසුරුවරිය පැවසීමත් සමඟ ඉන් අනතුරුව අදාළ විත්තිකරු තමන්ට පෙර වැරදි තිබෙන බව පිළිගෙන ඇත.

ඒ අනුව විත්තිකරු සිදු කර ඇත්තේ බරපතළ වරදක් නිසා ඔහුගේ නීතීඥවරයා ඉදිරිපත් කළ කරුණු සලකා බලා යළි සමාජගත විය හැකි දඬුවමක් ලබාදීමට කටයුතු කරන බවත් විනිසුරුවරිය ප්‍රකාශ කළා.

එබැවින් එක් එක් විත්තිකරුට බරපතළ වැඩ සහිත වසර දෙක බැගින් සිර දඬුවම් නියම කළ මහාධිකරණ විනිසුරුවරිය එය වසර 10 සිට 15 දක්වා අත්හිටුවීමට නියම කරන බවත් තීන්දුවේ දක්වා ඇත.

එසේම මෙම නඩුවේ දඩ ගෙවා තිබෙන ආකාරය පරීක්ෂා කිරීමට යළිත් නඩුව අගෝස්තු මස 28 වන දින කැඳවීමටද විනිසුරුවරිය විසින් නියම කර ඇති බව සඳහන්.  

ඉදිරියට බොන්න වතුර ටිකක්වත් නැතිවෙයි? විශේෂ දැනුම් දීමක්